თამბაქოს კონტროლის ალიანსმა პეტიცია მოამზადა, სადაც ის სახელმწიფოს ხელმძღვანელებს მიმართავს, „Be Marlboro“ - ს სარეკლამო კამპანია აიკრძალოს. 

შესაბამისი პეტიცია პარლამენტშია დარეგისტირებული, რომელსაც დღეს, დარგობრივი ეკონომიკისა და ეკონომიკური პოლიტიკის კომიტეტის სხდომაზე განიხილავენ. 

წარმოდგენილი პეტიციის თანახმად, „მარლბოროს კაცის“ სარეკლამო კამპანიამ „მარლბორო“ მსოფლიოს მასშტაბით ახალგაზრდებში ყველაზე პოპულარული სიგარეტის ბრენდი გახადა და ხელი შეუწყო თამბაქოს გლობალურ ეპიდემიას, რასაც ყოველწლიურად 6 მილიონი ადამიანის სიცოცხლე ეწირება. 
 რამდენიმე ხნის წინ, „მალბორომ“ გაზარდა მისი საბაზრო წილი ბევრ ქვეყანაში, სარეკლამო კამპანია „Don’t Be a Maybe. Be Marlboro“-მ ჩაანაცვლა ცნობილი რეკლამა „მარლბოროს კაცი“. „მარლბორო“-ს მწარმოებელი კომპანია „ფილიპ მორის ინთერნეიშენელი“ იგნორირებას უკეთებს „Be Marlboro“ - ს ღონისძიებების შეწყვეტისაკენ ფართოდ გავრცელებულ მოწოდებებს და აგრძელებს კამპანიის გაფართოებას.

ამასთან, თამბაქოს კონტროლის ალიანსი ითხოვს, რომ გარდა  „Be Marlboro“ - ს სარეკლამო კამპანიისა, აიკრძალოს სხვა მსგავსი კამპანიები. ანუ შემოღებულ იქნას რეგულაციები თამბაქოს ნაწარმის რეკლამის, პოპულარიზაციისა და სპონსორობის სრული აკრძალვის შესახებ.  

„უნდა აღინიშნოს, რომ, აღნიშნული საერთაშორისო ვალდებულება საქართველოს ჰქონდა აღებული და მას 2011 წლის 15 მაისს გაუვიდა ვადა“, – აცხადებენ თამბაქოს კონტროლის ალიანსში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პუტინი ცხინვალის მარიონეტ კამბოლოვს: ველოდები, რომ გაგლოევის „განვითარებულ მოვლენებს“ გამოიყენებთ

მასშტაბური კორუფციის გამო მერიამ „რიყის დოქების“ დანგრევა გადაწყვიტა - აბესაძე

რუსეთში, ბენზინის დეფიციტის გამო, საავადმყოფოებისთვის, სახანძრო სამსახურებისთვის და საზოგადოებრივი კომუნალური კომპანიებისთვის საწვავის შესყიდვა შეფერხდა

აშშ-ის სახელმწიფო მდივანი მარკო რუბიო ვენესუელას ფაქტობრივი მმართველი გახდა -The New York Times