სომხეთის პრეზიდენტი ნიკოლ ფაშინიანი აზერბაიჯანელ კოლეგას, ილჰამ ალიევს მთიანი ყარაბაღის კონფლიქტის მოგვარების ახალ ფორმულას სთავაზობს, - ამის შესახებ ფაშინიანმა FOX LA-სთვის მიცემულ ინტერვიუში განაცხადა. 

როგორც პრემიერმა განმარტა, ნებისმიერი გადაწყვეტილება მისაღები უნდა იყოს როგორც სომხეთისთვის, ისე - აზერბაიჯანისა და მთიანი ყარაბაღის მცხოვრებთათვის.

მე ვარ პირველი ლიდერი სომხეთში, ვინც ამბობს, რომ გადაწყვეტილებები მისაღები უნდა იყოს აზერბაიჯანული მხარისთვისაც, რის გამოც სომხეთში მაკრიტიკებენ, მაგრამ ეს მშვიდობიანი პროცესის მნიშვნელოვანი ნაბიჯია. ამიტომ ველი, რომ აზერბაიჯანის პრეზიდენტი ალიევი ამავე ფორმულას მიიღებს", - განაცხადა ფაშინიანმა. 

შეგახსენებთ, კონფლიქტი ე.წ. მთიან ყარაბაღში 1988 წლის თებერვალში დაიწყო, როდესაც ავტონომიურმა რესპუბლიკამ აზერბაიჯანის შემადგენლობა დატოვა. ამის შემდეგ, 1991 წელს მთიანმა ყარაბაღმა, რომელიც ძირითადად ეთნიკური სომხებით არის დასახლებული, საკუთარი დამოუკიდებლობის შესახებ განაცხადა, რასაც შეიარაღებული კონფლიქტი მოჰყვა. მას შემდეგ, რაც აზერბაიჯანის რეგიონმა დამოუკიდებლობა გამოაცხადა, სომხურმა შეიარაღებულმა ძალებმა მისი ოკუპაცია მოახდინეს. ოკუპირებულია ასევე მთიანი ყარაბაღის მიმდებარედ აზერბაიჯანის 7 რაიონი. 1994 წელს აზერბაიჯანმა და სომხეთმა ცეცხლის შეწყვეტის შესახებ შეთანხმება გააფორმეს. 

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

მეუფე საბა - მეუფე შიოს 50% +1 ხმა უკვე აქვს, თუმცა, ეს იმას არ ნიშნავს, რომ გაფართოებული კრების ჩატარებას მნიშვნელობა არ აქვს

მიტროპოლიტმა ისაიამ სინოდის სხდომაზე პატრიარქობის კანდიდატად საკუთარი თავის დასახელების სურვილი გამოთქვა, თუმცა სინოდმა მხარი არ დაუჭირა

მარნეულში 10 წლის ბავშვს მანქანა დაეჯახა, იგი გარდაიცვალა, კლინიკასთან დაძაბულეობა იყო

ლევან სუთიძე - მეუფე შიომ მხარდაჭერა უკვე კამპანიის დროს მოიპოვა