„ევროპული საქართველოს“ ერთ-ერთმა ლიდერმა გიგა ბოკერიამ ის მიზეზები განმარტა, რის გამოც სახელმწიფო უსაფრთხოების სამსახურის ყოფილი უფროსის, ვახტანგ გომელაურის მიერ თანამდებობის დატოვებას ხმა არ მისცა.

ბოკერიამ აღნიშნა, რომ ხელისუფლების მიერ შემოთავაზებული მოდელის მიხედვით, სუს-ის უფროსი პოლიტიკური გუნდის ნაწილი არ უნდა ყოფილიყო, ხოლო გომელაური სწორედ მმართველი გუნდის დაკვეთებს ასრულებდა. 

„განვმარტავ იმისთვის, რომ გასაკვირი არ იყოს არავისთვის, რატომ შეიძლება არ ვუჭერდეთ მხარს  ჩვენი მხრიდან მრავალგზის გაკრიტიკებული ფიგურის წასვლას სუს-ის ხელმძღვანელობიდან. ეს უმრავლესობა იყო ის, რომელმაც სისტემა შემოგვთავაზა, სადაც სუს-იყო პოლიტიკური გუნდს გარეთ და იყო აცდენილი პოლიტიკურ ციკლებს. ამას თქვენ ამართლებდით იმით, რომ ეს არის კარგი მოდელი. არასდროს გეთანხმებოდით ამაში, იმიტომ რომ,  რეალურად, ივანიშვილს პერსონალური კონტროლის ქვეშ უნდოდა ჰყოლოდა  და თქვენც კი არ გენდობოდათ. ვთქვათ, მე ვცდებოდი და თქვენ მართლები იყავით - პირველივე საჭიროებისას გაირკვა, რომ თქვენ არ ამბობდით სიმართლეს და ბატონმა გომელაურმა დაადასტურა ეს.  ამ გუნდის წევრი ვარო და გუნდი რასაც მეტყვის, იმას ვიზამო. სწორედ ამიტომ არ ვუჭერთ მხარს და თქვენც მოგიწოდებთ, კრიტიკულად შეაფასოთ ეს ამბავი. მე მედიაჩართვა მქონდა და ბატონი მამუკა გამომეხმაურა - ბატონო მამუკა, ჩართვა მქონდა, არსად მივდივარ, აქ ვაპირებ ყოფნას. ერთდროულად მსხვერპლი და მოძალადე ვერ იქნებით პოლიტიკურად. მე ქუჩური გარჩევების მომხრე არ ვარ, მაგრამ თუ ამ გზაზე დადგომა გინდათ, კიბატონო. გიმეორებთ - თქვენი პოლიტიკური დამარცხებაა ჩემი მიზანი და არა განადგურება,  თქვენგან განსხვავებით. მორალურ დისკომფორტს გიქმნით, გიქმნიდით და მომავალშიც შეგიქმნით, ამას ადრეც მშვენივრად ვახერხებდით“, - განაცხადა გიგა ბოკერიამ.

ავტორი: ექსპრესნიუსი,

სოციალური ქსელები

მეუფე საბა - მეუფე შიოს 50% +1 ხმა უკვე აქვს, თუმცა, ეს იმას არ ნიშნავს, რომ გაფართოებული კრების ჩატარებას მნიშვნელობა არ აქვს

მიტროპოლიტმა ისაიამ სინოდის სხდომაზე პატრიარქობის კანდიდატად საკუთარი თავის დასახელების სურვილი გამოთქვა, თუმცა სინოდმა მხარი არ დაუჭირა

მარნეულში 10 წლის ბავშვს მანქანა დაეჯახა, იგი გარდაიცვალა, კლინიკასთან დაძაბულეობა იყო

ლევან სუთიძე - მეუფე შიომ მხარდაჭერა უკვე კამპანიის დროს მოიპოვა