გარემოს დაცვისა და სოფლის მეურნეობის მინისტრი ლევან დავითაშვილი კომპანია Land O’Lakes Venture37-ის აღმასრულებელ დირექტორს, ჯონ ელენბერგერს შეხვდა.

შეხვედრაზე მხარეებმა პროექტის „ინვესტირება უვნებელ და ხარისხიან მესაქონლეობაში“ მიმდინარეობის საკითხები განიხილეს. მინისტრმა ხაზი გაუსვა საქართველოში მსხვილფეხა პირუტყვის რძისა და ხორცის ინდუსტრიებში სურსათის უვნებლობისა და ხარისხის სტანდარტების გაუმჯობესების მნიშვნელობას.

პოზიტიურად შეფასდა პროექტის მიმდინარეობის პროცესი, რომელიც, ძირითადად, ორიენტირებულია მწარმოებლებისა და გადამმუშავებლების ცოდნის გაღრმავებასა და გამოცდილების გაზიარებაზე.

ჯონ ელენბერგერის განცხადებით, კომპანია Land O’Lakes Venture37 გამოიყენებს საკუთარ გამოცდილებას და ბაზრის მოთხოვნის შესაბამისი მიდგომებით და დანერგვით ტექნიკურ დახმარებას გაუწევს ფერმერებს.

„ჩვენ ვფიქრობთ, რომ ერთიანი ძალისხმევით შევძლებთ მსხვილფეხა პირუტყვის რძისა და ხორცის ღირებულებათა ჯაჭვში სურსათის უვნებლობისა და ხარისხის სტანდარტების ზრდის მიმართულებით მნიშვნელოვანი წარმატების მიღწევას“, - განაცხადა  ჯონ ელენბერგერმა.

გარემოს დაცვისა და სოფლის მეურნეობის სამინისტროში გამართულ შეხვედრას მინისტრის მოადგილე ხატია წილოსანი და სურსათის ეროვნული სააგენტოს ხელმძღვანელი პირები ესწრებოდნენ.
საქართველოში ამერიკის სოფლის მეურნეობის დეპარტამენტის მიერ დაფინანსებულ 5-წლიან პროექტს „ინვესტირება უვნებელ და ხარისხიან მესაქონლეობაში“ ამერიკული კომპანია Land O’Lakes Venture37  საქართველოს ფერმერთა ასოციაციასთან ერთად ახორციელებს.   

(NS)

ავტორი: ექსპრესნიუსი,

სოციალური ქსელები

ონის მისასვლელთან მეწყერი ჩამოწვა, შეზღუდულია ტრანსპორტის მოძრაობა

3-18 მაისს ნარეკვავი-მცხეთა გზის მარცხენა მხარეს ჩამსვლელ პანდუსზე მოძრაობა შეიზღუდება

ბრიტანეთმა ანტისემიტური თავდასხმების გამო პროპალესტინის დემონსტრაციების აკრძალვა არ გამორიცხა

სკოლის მოსწავლეები ერთმანეთს ფიზიკურად დაუპირისპირდნენ - გამოძიება ძალადობის მუხლით დაიწყო