2019-09-12 18:59:31, 1493 ნახვა

---

სახელმწიფო დეპარტამენტის წარმომადგენელი: მოვუწოდებთ რუსეთს, საქართველოს ტერიტორიის უკანონო ოკუპაცია შეწყვიტოს

ამერიკის შეერთებული შტატების სახელმწიფო დეპარტამენტის წარმომადგენლის მორგან ორტაგუსის განცხადებით, რუსეთი უკანონო ქმედებებით რეგიონში სტაბილურობასა და მშვიდობას ძირს უთხრის. 

როგორც ორტაგუსმა Twitter-ის საკუთარ გვერდზე დაწერა, ამერიკა რუსეთს ისევ მოუწოდებს ცეცხლის შეწყვეტის შესახებ მიღწეული შეთანხმებით ნაკისრი ვალდებულებები შეასრულოს. 

„კიდევ ერთხელ მოვუწოდებთ რუსეთს, შეწყვიტოს საქართველოს ტერიტორიის უკანონო ოკუპაცია და 2008 წლის ცეცხლის შეწყვეტის შესახებ მიღწეული შეთანხმებით ნაკისრი ვალდებულებები შეასრულოს. ბოლო 10 წლის განმავლობაში რუსეთმა საკუთარი უკანონო, ბოროტი ქმედებებით რეგიონში მშვიდობასა და სტაბილურობას ძირი გამოუთხარა“, - წერს ორტაგუსი.

We once again call on Russia to suspend its illegal occupation of Georgian territory and fulfill its commitments under the 2008 ceasefire agreement. For the last decade, Russia’s illegal, malign behavior has undermined stability and peace in the region. https://t.co/FGzEfQ8h5s

— Morgan Ortagus (@statedeptspox) September 11, 2019

---

ავტორი: ლუკა ცარციძე, ექსპრესნიუსის რეპორტიორი 2019 წლიდან

---

დღის თემა

მთავარი თემა

ინტერვიუ - ექსკლუზივი