„უფალი შეგეწიოთ თქვენს ყველა ღვთისსათნო საქმეში“ - ილია მეორე გიორგი გახარიას ულოცავს

2019-09-12 14:41:51, 1909 ნახვა

საზოგადოება

საქართველოს კათოლიკოს პატრიარქი ილია მეორე გიორგი გახარიას პრემიერ-მინისტრად დანიშვნას ულოცავს.

როგორც პატრიარქის წერილშია ნათქვამი, ეს საპატიო და ამავე დროს საპასუხისმგებლო თანამდებობაა.

"დამოუკიდებლობის მოპოვების შემდეგ ჩვენს ქვეყანაში დაძაბული პოლიტიკური პროცესები არ დამცხრალა: ეს გასაგებიცაა, რადგან სხვადასხვა ძალა ცდილობს გავლენის მოპოვებას და თავისი იდეოლოგიის გატარებას, ხალხი კი ელოდება დადებით ცვლილებებს. სამწუხაროდ, ამ ხნის განმავლობაში ვერ მოხერხდა მოსახლეობის ყოფითი პრობლემების დაძლევა, სოციალური მდგომარეობის გაუმჯობესება, ეროვნული ფასეულობების წინ წამოწევა, ერის გამთლიანება და ქვეყნის ტერიტორიული მთლიანობის აღდგენა. იმედს გამოვთქვამთ, რომ ჩვენს მეტად რთულ დროში თქვენი და საქართველოს მთავრობის ძალისხმევა მიმართული იქნება აღნიშნული მეტად მნიშვნელოვანი პრობლემების დასაძლევად. უფალი შეგეწიოთ თქვენს ყველა ღვთისსათნო საქმეში", - ნათქვამია წერილში.

Patreon P მხარი დაუჭირე "ექსპრესნიუსს" →

ავტორი: ლუკა ცარციძე, ექსპრესნიუსის რეპორტიორი 2019 წლიდან