2019-09-10 19:30:16, 5100 ნახვა
მსოფლიო
გრიგორი კარასინი რუსეთის საგარეო საქმეთა მინისტრის მოადგილის პოსტზე ევგენი ივანოვმა შეცვალა
რუსეთის პრეზიდენტმა ვლადიმერ პუტინმა საგარეო საქმეთა მინისტრის მოადგილე, სახელმწიფო ორგანოებთან ურთიერთობების საკითხებში მდივანი გრიგორი კარასინი, თანამდებობიდან გაათავისუფლა, - ამის შესახებ "რია ნოვოსტი" იუწყება.
მედია საშუალების ინფორმაციით, აღნიშნულ თანამდებობაზე კარასინს ევგენი ივანოვი შეცვლის. მანამდე ივანოვი მხოლოდ მინისტრის მოადგილის პოსტს იკავებდა.
ცნობისთვის, გრიგორი კარასინი თანამდბეობას 2005 წლიდან იკავებდა. 29 ივლისს გრიგორი კარასინმა განაცხადა, რომ მუშაობას ფედერაციის საბჭოში გააგრძელებს.
ავტორი: ლუკა ცარციძე, ექსპრესნიუსის რეპორტიორი 2019 წლიდან
epn.ge (@expressnews.ge)
