R2 - ამ დრომდე ვერ ვახერხებთ მელაძისგან Facebook გვერდის ადმინისტრატორის უფლებები დავიბრუნოთ

2019-09-10 14:52:41, 1873 ნახვა

საზოგადოება

ტელეკომპანია „რუსთავი 2“ არხის Facebook გვერდზე „მთავარი არხის“ პირდაპირ ეთერებსა და სიუჯეტების გაზიარებაზე განცხადებას ავრცელებს.

როგორც „რუსთავი 2“-ში აცხადებენ, ტელეკომპანიის საინფორმაციო სამსახურის ყოფილი უფროსი, ნოდარ მელაძისგან ადმინისტრატორის უფლებების დაბრუნებას ამ დრომდე ვერ ახერხებს.

„უკვე რამდენიმე დღეა „რუსთავი 2“-ის Facebook გვერდზე სისტემატურად ჩნდება პოსტები, რომელსაც სამაუწყებლო კომპანიის ასიათასობით მომხმარებლი შეცდომაში შეყავს. „რუსთავი2“-ს სურს შეატყობინოს საზოგადოებას, რომ მიუხედავად არაერთი კანონიერი მოთხოვნისა არხი ამ დრომდე ვერ ახერხებს საინფორმაციო სამსახურის ყოფილი უფროსისგან დაიბრუნოს ადმინისტრატორის უფლებები. ტელეკომპანიის გენერალური დირექტორი, პაატა სალია აცხადებს, რომ აღნიშნულის შესახებ უკვე ეცნობა სოციალური ქსელის ადმინისტრაციას და დაწყებულია შესაბამისი პროცედურები. სალიას თქმით, თავად ყოფილი საინფორმაციოს სამსახურის ყოფილი უფროსის ქმედებები არის უპასუხისმგებლო და შესაძლოა შეიცავდეს კიბერდანაშულის ნიშნებს“, - აცხადებენ ტელეკომპანიაში.

Patreon P მხარი დაუჭირე "ექსპრესნიუსს" →

ავტორი: ელენე გვიმრაძე, ექსპრესნიუსის რეპორტიორი 2018 წლიდან