„სად არის მწვანე და წითელი ასანთები, ამას მოვიკითხავ აუცილებლად და ჩემი უფლებამოსილების ფარგლებში თუ შემიძლია, რა თქმა უნდა დაგეხმარებით“, - ასე უპასუხა სუს-ის ყოფილმა უფროსმა, შს მინისტრობის კანდიდატმა ვახტანგ გომელაურმა „პატრიოტთა ალიანსის“ წევრ ემზარ კვიციანს.

როგორც გომელაურმა აღნიშნა, ემზარ კვიციანი გარკვეულ საბუთებს ეძებდა, თუმცა ისინი სახელმწიფო უსაფრთხოების სამსახურში არ აღმოჩნდა.

„ღიად ამ თემაზე ვერ ვისაუბრებ, თქვენ ეძებდით რაღაც საბუთებს, რომელიც ჩვენთან არ აღმოჩნდა. ის თემა, თუ მწვანე სად არის ასანთები და წითელი სად არის, ამას მოვიკითხავ აუცილებლად და ჩემი უფლებამოსილების ფარგლებში თუ შემიძლია, რა თქმა უნდა დაგეხმარებით. ის თემა რომ მე ვიღაცას არ ვუშვებდი, თვითონვე აღნიშნეთ, რომ მე შეხება არ მქონია მაშინ ამ მიმართულებით და ვერც აგიკრძალავდით, ვერც შემოგიშვებდით საქართველოში თუ დაკეტილი იყო საზღვარი თქვენთვის. რაც მითხარით, იმას აუცილებლად მოვიკითხავ“, - განაცხადა ვახტანგ გომელაურმა.

ამის შემდეგ კვიციანმა განმარტა, თუ რა საბუთებზე იყო საუბარი: „რაც ეხლა ბატონმა ვახტანგმა ბრძანა, ეს ეხება ჩემს დოკუმენტებს, ანუ ნამსახურეობა ჩემი 1993 წლიდან 1997 წლამდე არის გამქრალი. წაიღეს თავდაცვის სამინისტროდან კონტრდაზვერვამ, და კონტრდაზვერვაში არ არსებობს, ანუ აორთქლდა. არავინ უნდა აგოს პასუხი ამაზე? მიზანმიმართულად მიმდინარეობდა გაქრობა ამ დოკუმენტების, იმისთვის რომ მე არ მქონოდა ნამსახურეობა და ერთი წელი მიკეთებდნენ ნაომრობა და მოწმობა მომცეს ვეტერანის. ამაზეა საუბარი. უშიშროებამ თუ ვერ მონახა, მე ვერ შევძლებ“.

>> კვიციანი გომელაურს - სუს-ის მეშვეობით მოსკოვიდან წითელი ამენთო, იქნება გამოსვლისას ხელი ჩამოკრათ და გამორთოთ

ავტორი: ექსპრესნიუსი,

სოციალური ქსელები

მეუფე საბა - მეუფე შიოს 50% +1 ხმა უკვე აქვს, თუმცა, ეს იმას არ ნიშნავს, რომ გაფართოებული კრების ჩატარებას მნიშვნელობა არ აქვს

მიტროპოლიტმა ისაიამ სინოდის სხდომაზე პატრიარქობის კანდიდატად საკუთარი თავის დასახელების სურვილი გამოთქვა, თუმცა სინოდმა მხარი არ დაუჭირა

მარნეულში 10 წლის ბავშვს მანქანა დაეჯახა, იგი გარდაიცვალა, კლინიკასთან დაძაბულეობა იყო

ლევან სუთიძე - მეუფე შიომ მხარდაჭერა უკვე კამპანიის დროს მოიპოვა