2019-09-04 12:21:53, 5835 ნახვა
მსოფლიო
პენტაგონმა აშშ-მექსიკის საზღვარზე კედლის მშენებლობისთვის 3.6 მილიარდი დოლარი გამოყო
პენტაგონმა აშშ-მექსიკის საზღვარზე კედლის მშენებლობისთვის 3.6 მილიარდი დოლარი გამოყო, - ამის შესახებ DW პენტაგონის სპიკერზე ჯონათან ჰოფმანზე დაყრდნობით იუწყება.
მედია საშუალების ინფორმაციით, თანხა კედლის 282-კილომეტრიანი მონაკვეთის მშენებლობაზე დაიხარჯება. ბიუჯეტიდან გამოყოფილი თანხა თავდაპირველად გათვალისწინებული იყო როგორც აშშ-ში, ისე სხვა ქვეყნებში ამერიკის 127 სამხედრო ობიექტის მშენებლობისა და რეაბილიტაციისთვის. მოგვიანებით ამერიკის უზენაესმა სასამართლომ მთავრობას უფლება მისცა, რომ კედლის მონაკვეთის მშენებლობისთვის პენტანგონის ბიუჯეტი გამოიყენოს.
ცნობისთვის, აშშ-მექსიკის საზღვარზე კედლის აშენება ამერიკის პრეზიდენტის დონალდ ტრამპის წინასაარჩევნო დაპირება იყო.
ავტორი: ლუკა ცარციძე, ექსპრესნიუსის რეპორტიორი 2019 წლიდან
epn.ge (@expressnews.ge)
