ზალკალიანი: საქართველოში აშშ-ის ახალ ელჩთან აუცილებლად მჭიდრო თანამშრომლობა გვექნება

2019-09-04 11:16:08, 1103 ნახვა

პოლიტიკა

საგარეო საქმეთა მინისტობის კანდიდატი, დავით ზალკალიანი საქართველოში ამერიკის შეერთებული შტატების ელჩის დანიშვნას მიესალმება.

როგორც ზალკალიანმა აღნიშნა, ახალი ელჩი არის ტრამპის ადმინისტრაციის მიერ დანიშნული პირველი ელჩი საქართველოში.

„ამერიკა ჩვენი მთავარი სტრატეგიული პარტნიორია. აშშ-სთან ჩვენ გვაქვს მჭიდრო თანამშრომლობა. როგორც არასდროს, ისე მაღალია ჩვენი თანამშრომლობა ჩვენს მთავარ სტრატეგიულ პარტნიორთან. ეს არის ტრამპის ადმინისტრაციის მიერ დანიშნული პირველი ელჩი საქართველოში. მან გარკვეული პროცედურები უნდა გაიაროს, მათ შორის საკომიტეტო მოსმენები სენატში, როცა ეს პროცესი დასრულდება, ჩვენ მასთან აქტიურად ვითანამშრომლებთ“, - აღნიშნა საგარეო საქმეთა მინისტრობის კანდიდატმა.

ცნობისთვის, ამერიკის შეერთებული შტატების პრეზიდენტმა დონალდ ტრამპმა საქართველოში ელჩად კელი დეგნანის კანდიდატურა წარადგინა. ცნობისთვის, 2018 წლის მარტიდან საქართველოში აშშ-ის ელჩის თანამდებობა ვაკანტურია. 2015 წლიდან 2018 წლამდე ამ პოსტს იან კელი იკავებდა.

Patreon P მხარი დაუჭირე "ექსპრესნიუსს" →

ავტორი: ელენე გვიმრაძე, ექსპრესნიუსის რეპორტიორი 2018 წლიდან