2019-09-03 18:17:17, 6067 ნახვა
მსოფლიო
უკრაინელი დეპუტატები იმუნიტეტით ვეღარ ისარგებლებენ
უკრაინის უმაღლესი რადას დეპუტატებს ხელშეუხებლობის იმუნიტეტი მოუხსნეს, - ამის შესახებ censor.ua იუწყება.
მედია საშუალების ინფორმაციით, იმუნიტეტის გაუქმებას მხარი 373-მა კანონმდებელმა დაუჭირა. ახალი რეგულაცია ძალაში 2020 წლის პირველი იანვრიდან შევა. მისი ამოქმედების შემდეგ, დეპუტატის სისხლისსამართლებრივ პასუხისგებაში მიცემისთვის ან დაკავებისთვის პარლამენტის თანხმობა საჭირო აღარ იქნება.
ცნობისთვის, პარლამენტის დეპუტატებისთვის იმუნიტეტის მოხსნის თაობაზე უკრაინაში რეფერენდუმი 2000 წელს ჩატარდა. მოსახლეობის 90% დეპუტატებისთვის ხელშეუხებლობის იმუნიტეტის მოხსნას მხარი დაუჭირა.
ავტორი: ლუკა ცარციძე, ექსპრესნიუსის რეპორტიორი 2019 წლიდან
epn.ge (@expressnews.ge)
