ბიძინა გეგიძე საპარლამენტო უმრავლესობიდან გარიცხეს

2019-09-02 10:50:59, 1128 ნახვა

პოლიტიკა

პარლამენტის წევრი ბიძინა გეგიძე საპარლამენტო უმრავლესობიდან გარიცხეს.

აღნიშნულის შესახებ გადაწყვეტილება „ქართული ოცნების“ პოლიტსაბჭოს წევრებმა გუშინ პარტიის ოფისში მიიღეს.

„არავისთვის უცხო და მოულოდნელი არ ყოფილა ის გადაწყვეტილება, რომელიც უმრავლესობამ მიიღო. მისი მთელი რიგი პოზიციები, განცხადებები არანაირად არ შეესაბამებოდა იმ პოზიციას, რომელიც ქართულ ოცნებას გააჩნი“, - განუცხადა ჟურნალისტებს გია ვოლსკიმ.

შეგახსენებთ, რომ 19 აგვისტოს გეგიძე სახელმწიფო უსაფრთხოების სამსახურში გამოკითხვაზე დაიბარეს. უწყების ინფორმაციით, გამოძიება 2018 წლის 2 აგვისტოდან მიმდინარეობს და ბიძინა გეგიძის წინა სამსახურეობრივ საქმიანობას უკავშირდება. თავად გეგიძემ კი, მის წინააღმდეგ დაწყებული გამოძიება მის პოლტიკურ საქმიანობას დაუკავშირა.

Patreon P მხარი დაუჭირე "ექსპრესნიუსს" →

ავტორი: ელენე გვიმრაძე, ექსპრესნიუსის რეპორტიორი 2018 წლიდან