ევროკავშირის სადამკვირვებლო მისიის ხელმძღვანელი: ახალი ღობეების აღმართვა მოსახლეობას კიდევ უფრო ჰყოფს

2019-08-28 14:26:45, 1536 ნახვა

პოლიტიკა

ევროკავშირის სადამკვირვებლო მისიის ხელმძღვანელი ერიკ ჰოგი დღეს, ადმინისტრაციულ სასაზღვრო ხაზზე, სოფელ გუგუტიანთკართან ახლოს იმყოფებოდა.

როგორც ჰოგი Twitter-ის საკუთარ გვერდზე წერს, ახალი ღობეების აღმართვა მოსახლეობას კიდევ უფრო ჰყოფს.

„დღეს დილით, ადმინისტრაციულ სასაზღვრო ხაზზე, სოფელ გუგუტიანთკართან ახლოს მიმდინარე „ბორდერიზაციის“ პროცესზე დაკვირვების მიზნით, ჟენევის საერთაშორისო დისკუსიების ორ თანათავმჯდომარესთან ერთად ევროკავშირის სადამკვირვებლო მისიის საპატრულო ჯგუფს შევუერთდი. ახალი ღობეების აღმართვა მოსახლეობას კიდევ უფრო ჰყოფს. ეს საკითხი ხვალ ერგნეთში ინციდენტების პრევენციისა და მათზე რეაგირების შეხვედრის დროსაც განიხილება“, - წერს ერიკ ჰოგი.

ცნობისთვის, ჰოგისთან ერთად ადგილზე სამხრეთ კავკასიასა და საქართველოში კრიზისის საკითხებში ევროკავშირის სპეციალური წარმომადგენელი ტოივო კლაარი იმყოფებოდა.

Together with 2 GID co-chairs I joined #EUMM patrol this morning to observe "borderization" near Gugutiantkari at Administrative Boundary Line. New fencing further divides communities. Will also be discussed at an IPRM meeting in Ergneti tomorrow. pic.twitter.com/jmxJcgiKiV
— Erik Hoeg (@erik_hoeg) August 28, 2019