2019-08-27 18:32:45, 2507 ნახვა
საზოგადოება
გადაცემა #სირცხვილია ხაზარაძესა და ივანიშვილს დებატებისთვის საკუთარ ეთერს სთავაზობს
გადაცემა #სირცხვილიას წამყვანი შოთა დიღმელაშვილი "თიბისი ბანკის" დამფუძნებელ მამუკა ხაზარაძესა და "ქართული ოცნების" თავმჯდომარე ბიძინა ივანიშვილს დებატებისთვის საკუთარ გადაცემას სთავაზობს.
როგორც დიღმელაშვილი Facebook-ის საკუთარ გვერდზე წერს, ის მიესალმება ხაზარაძის ინიციატივას.
"მივესალმებით მამუკა ხაზარაძის მიერ ბიძინა ივანიშვილისთვის დებატების ფორმატის შეთავაზებას და მზადყოფნას ვაცხადებთ, დებატები წარიმართოს ნამდვილი საზოგადოებრივი მაუწყებლის ეთერში, პარლამენტის წინ, გადაცემაში #სირცხვილია, 20 საათსა და 20 წუთზე", - წერს შოთა დიღმელაშვილი.
ავტორი: ლუკა ცარციძე, ექსპრესნიუსის რეპორტიორი 2019 წლიდან
epn.ge (@expressnews.ge)
