იუსტიციის უმაღლესი საბჭოს სხდომაზე საბჭოს წევრებს შორის სიტყვიერი შელაპარაკება მოხდა.

კამათი მოჰყვა გადაწყვეტილებას, რის შედეგადაც სააპელაციო სასამართლოს თავმჯდომარე, მიხეილ ჩინჩალაძე ადმინისტრაციულ საქმეთა პალატის თავმჯდომარის პოსტზეც დაინიშნა, მის მოადგილედ კი, იუსტიციის უმაღლესი საბჭოს წევრი, ირაკლი შენგელია დასახელდა.

საბჭოს არამოსამართლე წევრების, ანა დოლიძესა და ნაზი ჯანეზაშვილის პროტესტი   თანამდებობებზე კანდიდატების  გასაუბრების გარეშე დანიშვნას მოჰყვა,  რაც საბჭოს უმრავლესობის წევრებთან სიტყვიერ დაპირისპირებაში გადაიზარდა.

„ჩინჩალაძეს უმადლოდეთ საბჭოს წევრი რომ ხართ და აქ რომ ზიხართ, თქვენ მართლა უცოდინარო“- ამ სიტყვებით საბჭოს უმრავლესობის წევრმა, ირაკლი შენგელიამ ნაზი ჯანეზაშვილს მიმართა.

ირაკლი შენგელიას ამ განცხადებას ჯანეზაშვილი გამოეხმაურა. მისი თქმით, ამ ერთმა ფრაზამ ცხადჰყო, რომ მიხეილ ჩინჩალაძე გარკვეული გავლენებით სარგებლობს.

„მე იუსტიციის უმაღლესი საბჭოს წევრად პარლამენტმა ამირჩია 2017 წელს და აქამდე მეგონა, რომ პარლამენტის მიერ ვიყავი არჩეული, მაგრამ ადამიანმა ფაქტობრივად, პირდაპირ თქვა ამით, რომ რაღაცა გავლენები აქვთ ამათ, თუ რა ტიპის გავლენებია მე ნამდვილად არ ვიცი და ძალიან სამარცხვინოა იუსტიციის უმაღლესი საბჭოს წევრი რომ ამბობს, რომ ერთ-ერთ მოსამართლეს სასამართლო სისტემიდან, რომელიც საბჭოს წევრიც კი არ არის, უნდა უმადლოდეს პარლამენტის მიერ არჩეული წევრი. ეს არის ძალიან უცნაური განცხადება, ჩემთვის აბსოლუტურად გაუგებარი“, - განაცხადა ჯანეზაშვილმა.

ავტორი: ექსპრესნიუსი,

სოციალური ქსელები

რუსეთი საწვავის შოკის წინაშე დგას: ბენზინის ფასები ერთ წელიწადში 20%-ით გაიზარდა

„საშინელი და უპრეცედენტო რეკორდი“ - რუსეთის არმიის დანაკარგებმა უკრაინაში 1.4 მილიონს მიაღწია

პროკურატურამ არასრულწლოვანი შვილების მიმართ ჩადენილი ტრეფიკინგის ფაქტზე 3 პირს ბრალდება წარუდგინა

ლაიენი: სამხრეთ კავკასია მსოფლიოს უდიდესი გზაჯვარედინია, სტრატეგიული მნიშვნელობა ზრდას აგრძელებს და აზერბაიჯანს ცენტრალური როლი აქვს