იუსტიციის უმაღლეს საბჭოში, უზენაესი სასამართლოს მოსამართლეების შერჩევის ფარგლებში, სააპელაციო სასამართლოს მოსამართლეს, ნინო ქადაგიძეს უსმენენ.

როგორც იუსტიციის არამოსამართლე წევრმა ანა დოლიძემ სხდომის დაწყებამდე განაცხადა, კანდიდატთან  მისი მთავარი კითხვა  შეეხება იმას, თუ როგორ მოხვდა ნინო ქადაგიძე მოსამართლეების შესარჩევ სიაში ყველანაირი კონკურსისა და საჯარო პროცესის გარეშე.

„სისტემა თავად ავლენს საკუთარ იარას იმით, რომ  ყველაზე მწვავედ აქამდე გამოსული კანდიდატები, ისევე როგორც იუსტიციის საბჭოს წევრები რეაგირებენ ერთადერთ სახელზე და ეს სახელი არის მიხეილ ჩინჩალაძე. საკმარისია, რომელიმე კითხვაში გაჟღერდეს სახელი და გვარი მიხეილ ჩინჩალაძე, ამას მოჰყვება ხოლმე ზემგრძნობიარე რეაქცია კანდიდატის მხრიდანაც და იუსტიციის საბჭოს წევრების მხრიდანაც. არა კანტი, არა ჰეგელი, არა ილია ჭავჭავაძე, არამედ მიხეილ ჩინჩალაძე. ეს არის ამ სისტემის მთავარი იარა და რა თქმა უნდა, ამ მიმართულებითაც დაისმება კითხვები დღეს და მომავალშიც. პირველ რიგში რა ურთიერთობები აქვთ გამოსულ კანდიდატებთან. როგორ მოხვდა მაგალითად, ქალბატონი ნინო ქადაგიძე იმ დეკემბრის სიაში ყველანაირი კონკურსის, საჯარო პროცესის გარეშე და რით დაიმსახურა თავის დროზე მან ეს პრივილეგია და შესაბამისად, მაშინდელი ჩავარდნის შემდეგ რატომ გადაწყვიტა, რომ გამოვიდეს ამ შედარებით გაუმჯობესებულ პროცესში ახლა“, - განაცხადა დოლიძემ.

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს