2019-08-07 16:21:45, 1165 ნახვა
პოლიტიკა
ბიბილოვი: სამხრეთ ოსეთი რუსეთის ფედერაციის ნაწილი უნდა გახდეს
„სამხრეთ ოსეთის“ ე.წ. პრეზიდენტი ანატოლი ბიბილოვი მიიჩნევს, რომ „რესპუბლიკა“ რუსეთის ფედერაციას უნდა შეუერთდეს, - ამის შესახებ „რია ნოვოსტი“იუწყება.
ბიბილოვი თქმით, ეს ოსი ხალხისთვის ისტორიული სამართლიანობის აღდგენა იქნება.
„არ შეიძლება ხალხმა გაყოფილად იცხოვროს. ერთ ნაწილში, თან უფრო პატარა ნაწილში, რესპუბლიკაა, მეორე ნაწილი რუსეთის შემადგენლობაშია. თუ ჩვენ ისტორიული სამართლიანობის აღდგენა გვსურს, ოსი ხალხისთვის სამართლიანობა აღდგება მაშინ, თუ სამხრეთ ოსეთი რუსეთის ფედერაციის ნაწილი გახდება. მხოლოდ ამის შემდეგ უნდა ვიმუშავოთ იმაზე, რომ ოსეთი ხელახლა გაერთიანდეს, ჩრდილოეთისა და სამხრეთის გამოყოფის გარეშე. ოსი ხალხისთვის ეს სასიცოცხლო მნიშვნელობისაა“, - განაცხადა ბიბილოვმა.
ავტორი: ექსპრესნიუსი,
epn.ge (@expressnews.ge)
