„ეს ეუთო-ის რეკომენდაციაა, რომელიც სიძულვილის ენის და ქსენოფობიის საკითხების მოწესრიგებას ითვალისწინებდა, ხოლო ოპოზიციის აჟიოტაჟი უსაფუძვლოა“, - ასე გამოეხმაურა პარლამენტის ყოფილი თავმჯდომარე ირაკლი კობახიძე ოპოზიციისა და არასამთავრობო სექტორის კრიტიკას საარჩევნო პროცესში ე.წ. სიძულვილის ენის აკრძალვის შესახებ.

კობახიძე აცხადებს, რომ საარჩევნო კანონმდებლობაში სიძულვილის ენის დეფინიცია გაიწერება დეტალურად და მაქსიმალურად მიახლოვებული იქნება მის საყოველთაო, კონვენციურ მნიშვნელობასთან.

„ეს იყო ერთ-ერთი ეუთო-ს რეკომენდაციებიდან, რომელიც ითვალისწინებდა სწორედ სიძულვილის ენის და ქსენოფობიის საკითხების მოწესრიგებას და შესაბამისი შეზღუდვების დაწესებას. ეს იყო მათი რეკომენდაცია  და შესაბამისად, არის მაქსიმალურად რბილი ფორმით ეს ყველაფერი ასახული კანონმდებლობაში. აქედან გამომდინარე, არანაირი საფუძველი იმ აჟიოტაჟის, რომელიც ხელოვნურადაა ჩამოყალიბებული, არ აქვს. მარტივად, იწერება საარჩევნო კანონმდებლობაში, რომ თუ რაიმე სააგიტაციო მასალა შეიცავს სიძულვილის ენას ან ქსენოფობიას, ამ შემთხვევაში ის ვერ გავრცელდება.

რაც შეეხება ტერმინის „სიძულვილის ენა“ დეფინიციას - მას აქვს ერთი ვიწრო, კონვენციური განმარტება, რომლის მიხედვითაც, დისკრიმინაციულ ნიშნებს არ უნდა შეიცავდეს გამონათქვამი. მაგალითად, თუ ხდება მითითება ადამიანის ეთნიკურ წარმომავლობაზე და ა.შ., ამ შემთხვევაში ითვლება გამონათქვამი თუ განცხადება სიძულვილის ენის შემცველად. ჩვენ გამოვთქვით მზადყოფნა, რომ დეტალურად ავსახოთ დეფინიცია კანონმდებლობაში. ჩვენ ვერანაირად ვერ შევზღუდავთ საარჩევნო პროცესებში ხისტ ან, თუნდაც, შეურაცხმყოფელ გამონათქვამებს. წარმოუდგენელია პოლიტიკურ პროცესში ამის შეზღუდვა. ერთადერთი რაც შეიძლება შეიზღუდოს, ეს არის სიძულვილის ენა, ქსენოფობია. ანუ, მაგალითად, ადამიანის კრიტიკა, პირობითად, მისი ეთნიკური წარმომავლობის, ან ორიენტაციის გამო და ა.შ

მაგალითად, გუშინ, როდესაც ვთქვი მე კონკრეტულ პარტიებზე, რომ მათ აქვთ კრიმინალური წარსული, ეს აბსოლუტურად თავსებადია გამოხატვის თავისუფლებასთან და იგივე შეუძლია თქვას ვიღაცამ ჩვენს პოლიტიკურ პარტიაზე. ამას ვერავინ ვერავის ვერ შეუზღუდავს. მე შემიძლია დავუძახო კონკრეტულ პარტიას კრიმინალური გაერთიანება, ვიღაცამ ვიღაცას შეიძლება დაუძახოს მოღალატე და ა.შ. ეს პოლიტიკური პროცესის შემადგენელი ნაწილია. რაც შეეხება სიძულვილის ენას და ქსენოფობიას, ეს უნდა დარეგულირდეს”, - განაცხადა ირაკლი კობახიძემ. 

ავტორი: ექსპრესნიუსი,

სოციალური ქსელები

საქართველო და სომხეთი 2029 წელს FIFA-ს U20 მსოფლიო ჩემპიონატს უმასპინძლებენ

მეუფე საბა - მეუფე შიოს 50% +1 ხმა უკვე აქვს, თუმცა, ეს იმას არ ნიშნავს, რომ გაფართოებული კრების ჩატარებას მნიშვნელობა არ აქვს

მიტროპოლიტმა ისაიამ სინოდის სხდომაზე პატრიარქობის კანდიდატად საკუთარი თავის დასახელების სურვილი გამოთქვა, თუმცა სინოდმა მხარი არ დაუჭირა

მარნეულში 10 წლის ბავშვს მანქანა დაეჯახა, იგი გარდაიცვალა, კლინიკასთან დაძაბულეობა იყო