ცენტრალური და ადგილობრივი ხელისუფლების წარმომადგენლები ოზურგეთის მუნიციპალიტეტის სოფლებში მოსახლეობას შეხვდნენ.

ხელისუფლების წარმომადგენლებმა სოფლების - დვაბზუს, გაღმა დვაბზუს და მელექედურის მოსახლეობისგან იმ საჭიროებებზე მიიღეს ინფორმაცია, რომელიც მათ აქვთ. შეხვედრაზე ყურადღება მუნიციპალიტეტში მიმდინარე და დაგეგმილ ინფრასტრუქტურულ პროექტებზე გამახვილდა.

გარემოს დაცვისა და სოფლის მეურნეობის მინისტრის მოადგილემ, ხატია წილოსანმა ადგილობრივ მოსახლეობას სოფლის მეურნეობის განვითარების ხელშემწყობი პროექტები გააცნო.

„რეგიონებში ინტენსიური შეხვედრების მიზანია,  მოსახლეობამ უშუალოდ მიიღოს აღმასრულებელი და საკანონმდებლო ხელისუფლების წარმომადგენლებისგან ინფორმაცია ყველა მიმდინარე და დაგეგმილ პროექტზე. გურიის სოფლებში გამართულ შეხვედრებზე გამოიკვეთა რამდენიმე მნიშვნელოვანი საკითხი და მათ შორის ისიც, რომ ინფორმაციაზე ხელმისაწვდომობა არის უმნიშვნელოვანესი. აღსანიშნავია, რომ გურიის რეგიონში სოფლის მეურნეობის პროექტებით ისარგებლა არაერთმა ბენეფიციარმა. თუმცა, არსებობს ძალიან დიდი პოტენციალი და სახელმწიფო მზად არის მაქსიმალურად შეუწყოს ხელი ყველა დაინტერესებულ ადამიანს მიიღოს სიკეთეები საქართველოს მთავრობის მიერ დაფინანსებული პროგრამებიდან“,- განაცხადა გარემოს დაცვისა და სოფლის მეურნეობის მინისტრის მოადგილემ ხატია წილოსანმა.

მოსახლეობამ საუბნო გზების მოწესრიგებასთან და გაზიფიცირების  საკითხთან ერთად, აგრონომის საჭიროების საკითხი დაასახელა.

შეხვედრას პარლამენტის წევრები,   გურიის მხარის რწმუნებული, ოზურგეთის მუნიციპალიტეტის საკრებულოს თავმჯდომარე, ოზურგეთის მერი და ადგილობრივი ხელისუფლების სხვა წარმომადგენლები ესწრებოდნენ.

(NS)

ავტორი: ექსპრესნიუსი,

სოციალური ქსელები

ევროკავშირმა რუსეთის წინააღმდეგ ეკონომიკური სანქციები 2027 წლის ივლისის ბოლომდე გაახანგრძლივა

ზელენსკიმ დაამტკიცა SBU-ს 40-დღიანი ოპერაცია, რათა რუსეთი ომის დასრულება აიძულოს

საიამ მზია ამაღლობელის პოლიტიკური ბრალდების საქმეზე სტრასბურგში მეოთხე საჩივარი წარადგინა

თბილისში კაცი დაჭრეს