2019-08-05 14:47:50, 2190 ნახვა
მსოფლიო
გერმანიის ციხიდან საქართველოს მოქალაქე გაიქცა
გერმანიაში, ბავარიის რეგიონში საქართველოს მოქალაქე ციხიდან გაიქცა, - ამის შესახებ augsburger-allgemeine იუწყება.
მედია საშუალების ინფორაციით, 37 წლის ვ.ბ სასჯელაღსრულების დაწესებულებიდან 36 წლის თურქეთის მოქალაქესთან ერთად გაიპარა. მსჯავრდებულებმა ციხის ეზოში სეირნობის დროს ღობეზე გადაძრომა შეძლეს და რკინიგზის სადგურის მიმართულებით მიიმალნენ. ბოლოს პატიმრები მემინგენის ერთ-ერთ ქუჩაზე შენიშნეს.
გერმანული მედია წერს, რომ პატიმრების დასაკავებლად სპეცოპერაცია მიმდინარეობს და მასში ვერტმფრენია ჩართული.
ამასთან, გერმანული პოლიცია მოსახლეობას მოუწოდებს ინფორმაციის არსებობის შემთხვევაში დაუკავშირდნენ. პოლიციაში აცხადებენ, რომ გაქცეული პატიმრები ქურდობა-ყაჩაღობის ბრალდებით იყვნენ დაკავებული.
ავტორი: ლუკა ცარციძე, ექსპრესნიუსის რეპორტიორი 2019 წლიდან
epn.ge (@expressnews.ge)
