„ახალი პირობების გაჩენა უკვე გაფორმებულ ხელშეკრულებაში, ხელშეკრულებების ვალდებულებების შესრულების ნორმალური ფორმა არ არის“, - ასე უპასუხა რეგიონული განვითარებისა და ინფრასტრუქტურის მინისტრის მოადგილე ირაკლი ქარსელაძემ კითხვას ანაკლიის კონსორციუმის ახალ პირობაზე, რომლის თანახმად ანაკლიის პორტი გარკვეული პერიოდის განმავლობაში საქართველოში ერთადერთი ღრმაწყლოვანი პორტი უნდა იყოს.

ირაკლი ქარსელაძის განცხადებით, ახალი პირობების მიღება და გათვალისწინება არა სახელმწიფოს ვალდებულება, არამედ კეთილი ნებაა.

„ახალი და ახალი პირობები ჩნდება მოლაპარაკების პროცესში და აღნიშნული პირობა არის სულ ახალთახალი. შესაბამისად ჯერ ამ მიმართულებით კონკრეტული მსჯელობა და პასუხი არ არის. რა ვადაში იქნება პასუხი გაცემული,  ცოტა არარელევანტური მეჩვენება, არ გავამარტივებდი ასე და კონკრეტულ თარიღზე  არ დავზუსტდებოდი. ძალიან ბევრი ახალი პირობა ვადის გადაწევისას იქნა გათვალისწინებული,  რომელზეც სახელმწიფომ უპრეცედენტო ნაბიჯი გადადგა, სწორედ უმნიშვნელოვანესი პროექტის განხორციელების მხარდაჭერის კუთხით.

ახალი პირობების გაჩენა უკვე გაფორმებულ ხელშეკრულებაში, ხელშეკრულებების ვალდებულებების შესრულების  ნორმალური ფორმა არ არის.   ის კონკურსი, რომელშიც კონსორციუმმა გაიმარჯვა, კონკრეტულ პირობებზე იყო გამოცხადებული.  ისე არ უნდა გავიგოთ, რომ ახალი პირობები,  ეს არის ნორმა, რომელიც სავალდებულოა, რომ არსებობდეს და ნორმა, რომელიც სახელმწიფომ აუცილებლად უნდა გაითვალისწინოს. ნებისმიერი ახალი პირობის გათვალისწინება იქნება მხოლოდ და მხოლოდ სახელმწიფოს მხრიდან ამ პროექტის მხარდამჭერი ნაბიჯი და კეთილი ნება“, - განაცხადა ირაკლი ქარსელაძემ. 

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს