20-21 ივნისის საქმეზე National Geographic-ის დაკავებული მკვლევარის  ბეჟან ლორთქიფანიძის გათავისუფლების მოთხოვნით მხარდამჭერები ხელმოწერებს აგროვებენ. 

ისინი აცხადებენ, რომ ლორთქიფანიძის აღკვეთის ღონისძიების შეფარდების საფუძველი არ არსებობს. მხარდამჭერების ნაწილი ლორთქიფანიძეს თავდებშიც უდგება. 

"როგორც ჩვენთვის ცნობილია, სასამართლო პროცესზე პროკურატურა აღმკვეთი ღონისძიების სახით წინასწარი პატიმრობის შეფარდების მოთხოვნას აპირებს. ბეჟან ლორთქიფანიძე საზოგადოებისათვის ცნობილი პიროვნებაა, საქართველოს ბუნების მკვლევარი და ქომაგი, რომლის სახელსაც არაერთი მნიშვნელოვანი მოვლენა უკავშირდება, მათ შორის: 2003 წელს საქართველოში დიდი ხნის გადაშენებულად მიჩნეული ლეოპარდის აღმოჩენა, საქართველოში პირველად განხორციელებული დათვისა და მგლის ტელემეტრიული კვლევები; მსოფლიოში პირველად ჯიხვის სატელიტური რადიო-საყელოების მეშვეობით კვლევა, 2015 წელს დატბორილი ზოოპარკის სამაშველო ღონისძიებებში მონაწილეობა და ცხოველების გადარჩენა, საქართველოს დაცული ტერიტორიების განვითარებაში შეტანილი წვლილი და ა.შ. ბეჟან ლორთქიფანიძე არის მაღალი სამოქალაქო შეგნების მქონე და კეთილსინდისიერი ადამიანი. გვჯერა, რომ არანაირი საფუძველი და საჭიროება არ არსებობს, რომ სასამართლომ მას უკიდურესი აღკვეთის ღონისძიება შეუფარდოს“, - ნათქვამია პეტიციის განცხადებაში.

ცნობისთვის, 25 ივლისს, 20-21 ივნისის მოვლენებთან დაკავშირებით მიმდინარე გამოძიების ფარგლებში, პარტია „გამარჯვებული საქართველოს“ ლიდერის, ირაკლი ოქრუაშვილის გარდა, სამართალდამცველებმა დღეს კიდევ 4 პირი დააკავეს, მათ შორის ბეჟან ლორთქიფანიძე. ის ჯგუფური ძალადობირ ბრალდებითაა დაკავებული. 

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

ტრამპის ირანთან შეთანხმების შემდეგ, რუსული ნავთობის ფასი 50 დოლარამდე დაეცა

კომუნიკაციების კომისია სარედაქციო დამოუკიდებლობაში ჩაერია და „ტვ პირველი“ 2500 ლარით დააჯარიმა

თსსუ-ს საუნივერსიტეტო კლინიკიდან ვარდნის შედეგად ქალი დაიღუპა

ექიმი: ელენე ხოშტარიას აქვს ძლიერი ტკივილები, კვლევები მულტიპროფილურ კლინიკაში უნდა ჩაუტარდეს