"ვთვლით, რომ  ია კიწმარიშვილი სამართალმემკვიდრეა და  უფლება აქვს  პრეტენზია გამოაცხადოს, თუ თვლის, რომ რამე ისე არ იყო რუსთავი 2-ის წილების წაღების საქმეში", - ამის შესახებ ტელეკომპანია რუსთავი 2-ის ერთ-ერთმა  დამფუძნებელმა  დავით დვალმა პარლამენტში დამოუკიდებელ დეპუტატებთან შეხვედრისას განაცხადა.

როგორც მან აღნიშნა, არ აქვს ინფორმაცია აიძულეს თუ არა ეროსი კიწმარიშვილს წილების დათმობა, რადგან ეს პროცესი მათგან დამოუკიდებლად წარიმართა.

„რა თქმა უნდა, ჩვენ ვთვლით, რომ ქალბატონი ია კიწმარიშვილი არის სამართალმემკვიდრე და მას აქვს სრული უფლება, პრეტენზია გამოაცხადოს, თუ თვლის, რომ რამე ისე არ იყო რუსთავი 2-ის წილების წაღების საქმეში. ჩვენ ვცდილობთ, რომ ცალკე არ ვილაპარაკოთ იმიტომ, რომ ორ სხვადასხვა დროს და სხვადასხვანაირად მოხდა წილების დათმობა. მე და ჯარჯი მთელი ამ პერიოდის განმავლობაში ერთად გავდიოდით იმ წნეხს… ჩვენზე ცალკე ჯგუფი მუშაობდა და ეროსისთან ცალკე მუშაობდნენ. ჩემთვის ძალიან ცოტაა ცნობილი იმის შესახებ, რაზე შეთანხმდნენ, იყო თუ არა იძულება და ა.შ. მე მახსოვს, ეროსი იძახდა, რომ თუ აღმოჩნდა, რომ მე და ჯარჯის წაგვართვეს ტელევიზია, გამოძიებამ წესით იგივე უნდა აჩვენოს მასთან დაკავშირებითაც“, - განაცხადა დავით დვალმა. 

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს