პარლამენტის დამოუკიდებელი დეპუტატი ეკა ბესელია საგამოძიებო ოერგანოებს მოუწოდებს, საპარლამენტო უმრავლესობის წევრის, ვანო ზარდიაშვილის საქმიანობით დაინტერესდნენ.

როგორც ბესელიამ აღნიშნა, ზარდიაშვილი პარლამენტში შესვლის დღიდან კორუფციული ინტერესებით მოქმედებდა.

”ამ პრეცედენტებს ნამდვილად შევკრებ პარალმენტში, რომ პარლამენტის წევრი არ შეიძლება ასე იქცეოდეს, ასე ლაპარაკობდეს, არ შეიძლება მართლა კორუფციით იყოს დაკავებული და პირდაპირ სასამართლოში აფათურებდეს ხელებს. რასაც თავად აკეთებს, იმას აბრალებს  სწორედ თავის ოპონენტებს და იმათ, ვის წინააღმდეგაც მას უნდა, რომ გაილაშქროს. ის პირდაპირ დაკავშირებული იმ მოსამართლეთა ჯგუფთან, არის ჩინჩალაძესთან დაახლოებული პირი და საქმეების მოგვარებით, სასურველი შედეგით გადაწყვეტით არის დაკავებული არა მხოლოდ სასამრთლოში, მისი ინტერესები იყო ასევე მერიაში. მე ამის თაობაზე ბიძინა ივანიშვილს ვესაუბრე, რომ ზარდიაშვილი კორუფციული ინტერესებით მოქმედებდა პარლამენტში შემოსვლის დღიდან. ეს ჩემთვისაც იყო ცნობილი და როგორც კი გავიგე, მაშინვე ვუთხარი. მისი რეაქცია იყო საკმაოდ მწვავე და ისიც კი თქვა, რომ ზარდიაშვილს პარლამენტს დაატოვებინებდნენ. შემდეგ ისიც მახსოვს, ზარდიაშვილი ატირებული რომ მოვიდა ჩემთან, რომ პარლამენტიდან მიშვებენ რას მერჩითო. ეს ისტორიები მინდა გავახსენო „ქართულ ოცნებას“, რომელიც დღეს ზარდიაშვილს ეფარება და კოლექტიურ ზარდიაშვილად გადაიქცა მცირე გამონაკლისის გარდა სამწუხაროდ, აი ვინ არის კორუფციაში ჩართული. ამიტომ მე საჯაროდ მივმართავ კიდევ ერთხელ საგამოძიებო ორგანოებს, დაინტერესდნენ როგორ მოაწყო ზარდიაშვილმა მათიკაშვილის ცოლი იუსტიციის საბჭოში, როგორ არის ის ჩართული საქმეების მოგვარებაში, როგორ აგვარებს მოსამართლეებთან ერთად სხვადასხვა საქმეებს და თავისი ბიზნესინტერესებით როგორ არის დაკავებული“, - განუცხადა „რუსთავი 2“-ს ეკა ბესელიამ.

ავტორი: ექსპრესნიუსი,

სოციალური ქსელები

ხმაური იყო მარნეულის სოფელ შულავერში გამართულ აქციაზე - ვიდეო

Global Finance-ის დაჯილდოების ცერემონიაზე საქართველოს ბანკს მდგრადი დაფინანსების მიმართულებით საქართველოში საუკეთესო ბანკის ჯილდო გადაეცა

კობახიძემ ომში მყოფი უკრაინა გააკრიტიკა- უკრაინაში ჩამოქცეულია ეკონომიკა, დანგრეულია ინფრასტრუქტურა

დათუნაშვილი -კობახიძე აქამდე საოკუპაციო ხაზთან არ იყო ნამყოფი, ახლა დაემატა, რომ ბაზარსა და მაღაზიაშიც არ არის ნამყოფი