გამოძიება ბევრად უფრო ადრე დაიწყო, ვიდრე საუბარი იქნებოდა რაიმე პოლიტიკურ მოძრაობაზე, - ამის შესახებ პარლამენტის თავმჯდომარისმოადგილემ თამარ ჩუგოშვილმა ჟურნალუსტებს „თიბისი ბანკის“ დამფუძნებლების მამუკა ხაზარაძისა და ბადრი ჯაფარიძის პროკურატურაში დაბარებასთან დაკავშირებით განუცხადა.

მისი თქმით, პროკურატურის გადაწყვეტილება დაკავშირებულია მტკიცებულებების მოგროვების დროსთან და არა ხაზარაძის პოლიტიური განცხადებების გაკეთებასთან.

"გასაგებია, რომ ოპოზიცია შეეცდება ამ ყველაფერში, ისევე როგორც სხვა საქმეებშიც პოლიტიკური შეფერილობა ეძებონ, თუმცა მთავარია გამოძიება რა მტკიცებულებებს წარადგენს. ეს არის მაღალი საზოგადოებრივი ინტერესის საქმე. საზოგადოება დეტალურად ადევნებს თვალყურს და შესაბამისად, მტკიცებულებების სტანდარტი და სიმყარე არის მნიშვნელოვანი“, - აცხადებს ჩუგოშვილი.

"თიბისი ბანკის“ დამფუძნებლები მამუკა ხაზარაძე და ბადრი ჯაფარიძე დღეს პროკურატურაში არიან დაბარებულები, მათთვის ბრალდების შესახებ დადგენილების წარდგენის მიზნით.
როგორც პროკურატურაში გამართულ ბრიფინგზე განაცხადეს, გენერალური პროკურატურა ბრალის წარდგენის შემდეგ ხაზარაძისა და ჯაფარიძისთვის აღკვეთის ღონისძიების შეფარდების თაობაზე სასამართლოს შუამდგომლობით მიმართავს.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

ხმაური იყო მარნეულის სოფელ შულავერში გამართულ აქციაზე - ვიდეო

Global Finance-ის დაჯილდოების ცერემონიაზე საქართველოს ბანკს მდგრადი დაფინანსების მიმართულებით საქართველოში საუკეთესო ბანკის ჯილდო გადაეცა

კობახიძემ ომში მყოფი უკრაინა გააკრიტიკა- უკრაინაში ჩამოქცეულია ეკონომიკა, დანგრეულია ინფრასტრუქტურა

დათუნაშვილი -კობახიძე აქამდე საოკუპაციო ხაზთან არ იყო ნამყოფი, ახლა დაემატა, რომ ბაზარსა და მაღაზიაშიც არ არის ნამყოფი