"ამ საკითხზე სოლიდარულები, განსაკუთრებით, ქალები უნდა ვიყოთ, რადგან  ასეთი ტიპის კადრებით შანტაჟი, სწორედ  ქალი პოლიტიკოსების მიმართ ხდება",  - ასე გამოეხმაურა სახალხო დამცველი ნინო ლომჯარია დეპუტატ ეკა ბესელიას პირადი ცხოვრების ამსახველი კადრების გავრცელების თაობაზე ვიცე-პრემიერის, მაია ცქიტიშვილის განცხადებას.

ლომჯარიას შეფასებით, მსგავსი კადრებით შანტაჟი, წამების და არაადამიანური მოპყრობის კატეგორიაშიც გადის. 

„პირადი ცხოვრების კადრებით შანტაჟი ეს არის ადამიანის, ფაქტობრივად, წამება, მისი მორალურად განადგურება და არაადამიანური მოპყრობაც კი. ამიტომ ეს არის საკითხი, რომელზეც, პირიქით, მუდმივად უნდა ვისაუბროთ. განსაკუთრებით, ალბათ, ქალები უნდა ვიყოთ ქალების მიმართ სოლიდარულები იმიტომ, რომ ასეთი ტიპის კადრებით შანტაჟი ხდება სწორედაც ქალი საჯარო პირების, ქალი პოლიტიკოსების მიმართ და სამიზნედ არიან ამოღებული სწორედ ქალები. ვინაიდან ის კადრების გავრცელებას ახდენს ხოლმე მათი, როგორც საჯარო ფიგურის დისკრედიტაციას, განადგურებას და პოლიტიკური ველიდან გაქრობასაც კი, რაც ჩვენ ვნახეთ“, - განაცხადა ნონო ლომჯარიამ.

ავტორი: ექსპრესნიუსი,

სოციალური ქსელები

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს

ელენე ხოშტარიას უახლოეს დღეებში დამატებითი კვლევების ჩატარების მიზნით, სამოქალაქო სექტორის კლინიკა „ვივამედში" გადაიყვანენ

ტოკაევმა კობახიძე ყაზახეთის რესპუბლიკის პირველი ხარისხის „მეგობრობის" საპატიო ორდენით დააჯილდოვა

ორბანის გადადგომის შემდეგ უნგრეთმა რუსეთის მოქალაქეებზე ვიზების გაცემა შეაჩერა