„დღეს სასამართლო არ არის კომუნიკაციაში პროკურატურასთან და არანაირი მითითებები პროკურატურიდან არ მიდის“, - ასე უპასუხა უზენაესი სასამართლოს მოსამართლეობის კანდიდატმა, გენერალურმა პროკურორმა შალვა თადუმაძემ სასამართლო ხელისუფლებაში არსებულ პრობლემებთან დაკავშირებით დასმულ შეკითხვას.

„მოდელირებას მოვახდენ  სასამართლოს და პროკურატურას შორის, აღარ მოვერიდები დელიკატურ მიდგომებს.  ყველას გვახსოვს, 2012 წლამდე რა როლი  და გავლენა ჰქონდა პროკურატურას სასამართლოზე თუნდაც  იმ მაჩვენებლით, რაც  გამამტყუნებელი განაჩენი იყო. მე თვითონ თავს არ მოვიტყუებ, ვთქვა, რომ კომფორტული იყო იმ დროს სასამართლოში პირის დაცვა იმიტომ, რომ იდეაში, არაფერს აზრი არ ჰქონდა. დღეს ეს ასე არ არის. ჩემს სიტყვებზე ვარ პასუხისმგებელი, რომ დღეს სასამართლო არ არის კომუნიკაციაში პროკურატურასთან და არანაირი მითითებები პროკურატურიდან არ მიდის. და მეორე, პროკურატურის მენეჯმენტში მონაწილეობენ მოსამართლეები. ნებისმიერ დროს, ანგარიშვალდებული ვარ მოსამართლეების წინაშე“, - განაცხადა  თადუმაძემ.

მანვე აღნიშნა, რომ ასევე შესაცვლელია დამოკიდებულება სხვა ხელისუფლებებთან დაკავშირებითაც.

„თუ ასე არ შეიცვალა დამოკიდებულებები სხვა უწყებებთან და სხვა ხელისუფლებების წარმომადგენლებთან დაკავშირებით, მუდმივი პრობლემა იარსებებს, თუ არ იქნა განცდა იმისა, რომ სასამართლო  არის ხელისუფლება“, - აღნიშნა შალვა თადუმაძემ.

ავტორი: ექსპრესნიუსი,

სოციალური ქსელები

ხმაური იყო მარნეულის სოფელ შულავერში გამართულ აქციაზე - ვიდეო

Global Finance-ის დაჯილდოების ცერემონიაზე საქართველოს ბანკს მდგრადი დაფინანსების მიმართულებით საქართველოში საუკეთესო ბანკის ჯილდო გადაეცა

კობახიძემ ომში მყოფი უკრაინა გააკრიტიკა- უკრაინაში ჩამოქცეულია ეკონომიკა, დანგრეულია ინფრასტრუქტურა

დათუნაშვილი -კობახიძე აქამდე საოკუპაციო ხაზთან არ იყო ნამყოფი, ახლა დაემატა, რომ ბაზარსა და მაღაზიაშიც არ არის ნამყოფი