„რუსთავი 2“-ის ახალი გენერალური დირექტორი პაატა სალია აცხადებს, რომ დავით დვალთან და ჯარჯი აქიმიძესთან კომუნიკაცია არ ჰქონია, თუმცა  ნომერ პირველ ამოცანად მათთან  შეხვედრას და მოლაპარაკებას ასახელებს.

ტელეკომპანიის ჟურნალისტის კითხვაზე, შესრულდება თუ არა ქიბარ ხალვაშის ის დათქმა, რის მიხედვითაც კომპანიის მფლობელობაში დაბრუნების შემდეგ გენერალურ დირექტორად დავით დვალი უნდა დაენიშნა, პასუხობს, რომ ყველაფერს დრო აჩვენებს.

"რაც შეეხება დვალს და აქიმიძეს გუშინ ავხსენი, რომ მათთან კომუნიკაცია არ გვქონია ეს პერიოდი, რადგან სტრასბურგის სასამართლოში იყო ეს პერიოდი დავა. როგორც ვიცი, ქიბარ ხალვაშსაც არ ქონია ამ ბოლო პერიოდში(კომუნიკაცია). ეგ ნომერ პირველ ამოცანად მე ვთხოვე, თვითონაც აცნობიერებს და იცის, რომ ერთ-ერთი პირველი ამოცანაა შეხვდეს ამ ადამიანებს, ისაუბრონ და გაერკვნენ რას ვაპირებთ. დღეს გვაქვს ეს სტატუს კვო. მე მოვედი აქ იმისთვის, რომ ვიმუშავო და საქმე გავაკეთო. დანარჩენს დრო გამოაჩენს ყველაფერს. კომპანიის მფლობელმა დამნიშნა დირექტორად. მაქვს პასუხისმგებლობა, ვალდებულებები, უფლებებთან ერთად. მე ამ პასუხისმგებლობას თავი უნდა გავართვა, ჩემი ვალდებულებები შევასრულო ისე, რომ აქ დასაქმებული ადამიანებიც კმაყოფილი იყვნენ და კომპანიის მესაკუთრეც კმაყოფილი იყოს“, - ამბობს სალია.

ავტორი: ექსპრესნიუსი,

სოციალური ქსელები

ხმაური იყო მარნეულის სოფელ შულავერში გამართულ აქციაზე - ვიდეო

Global Finance-ის დაჯილდოების ცერემონიაზე საქართველოს ბანკს მდგრადი დაფინანსების მიმართულებით საქართველოში საუკეთესო ბანკის ჯილდო გადაეცა

კობახიძემ ომში მყოფი უკრაინა გააკრიტიკა- უკრაინაში ჩამოქცეულია ეკონომიკა, დანგრეულია ინფრასტრუქტურა

დათუნაშვილი -კობახიძე აქამდე საოკუპაციო ხაზთან არ იყო ნამყოფი, ახლა დაემატა, რომ ბაზარსა და მაღაზიაშიც არ არის ნამყოფი