2019-07-15 14:47:11, 5213 ნახვა
მსოფლიო
ვლადიმერ ზელენსკის კორტეჟი ავარიაში მოყვა
უკრაინის პრეზიდენტის ვლადიმერ ზელენსკის კორტეჟი ავარიაში მოყვა, - ამის შესახებ Strana.ua იუწყება.
მედია საშუალების ინფორმაციით, ავტოსაგზაო შემთხვევის შედეგად არავინ დაშავებულა. დადგინდა, რომ პრეზიდენტის კორტეჟის რამდენიმე ავტომობილმა ავტობუსის გასწრება სცადა, რამაც ავტოსაგზაო შემთხვევა გამოიწვია. ავარიაში ასევე ავტობუსი მონაწილეობდა, რომელსაც ბავშვები გადაჰყავდა.
მედიის ცნობით, ზელენსკის კორტეჟი მივლინებიდან კიევში ბრუნდებოდა. თავად პრეზიდენტი დედაქალაქში თვითმფრინავით გაემგზავრა.
ავტორი: ლუკა ცარციძე, ექსპრესნიუსის რეპორტიორი 2019 წლიდან
epn.ge (@expressnews.ge)
