2019-07-04 16:07:03, 1589 ნახვა

---

კალაძე ჟურნალისტებს: გჯერათ, რომ გახარია სამართალდამცველებს ეუბნებოდა, თვალებში და თავში ესროლათ?

„თქვენ გჯერათ, რომ გიორგი გახარია ეუბნებოდა,  თვალებში და თავში ესროლათ? ამის გჯერათ თქვენ?“, - ასე მიმართა თბილისის მერმა და „ქართული ოცნების“ გენერალურმა მდივანმა კახა კალაძემ ჟურნალისტებს, რომლებმაც მას ჰკითხეს, „სჯეროდა თუ არა, რომ სპეცრაზმელებმა შს მინისტრის სპეციალური ბრძანების გარეშე დამიზნებით სროლა გაბედეს“.

კალაძე აცხადებს, რომ ყველამ, ვინც აქციის დაშლისას ძალას გადაამეტა, პასუხი უნდა აგოს.

„კანონზე მაღლა არავინ დგას, ყველას მოეკითხება ვისი პასუხისმგებლობის საკითხიც დადგება. ყველას ვისაც აქვს დანაშაული ჩადენილი იმ კონკრეტულ გადაცდომებთან დაკავშირებით, რაც ჩვენ ვიხილეთ ძალის გადამეტების თვალსაზრისით, იყო ცალკეული ეპიზოდები, აუცილებლად ყველამ უნდა აგოს პასუხი. თქვენ გჯერათ, რომ გიორგი გახარია ეუბნებოდა, რომ თვალებში და თავში ესროლათ? ამის გჯერათ თქვენ? მინისტრმაც გაგცათ პასუხი, გასცა იმ შეხვედრაზე, როდესაც ჟურნალისტებთან იყო შეხვედრაზე. კონკრეტული პასუხი იყო, რომ პასუხისმგებლობას იღებს გიორგი გახარია“, - მიმართა კალაძემ ჟურნალისტებს.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი