2019-07-02 18:10:23, 1742 ნახვა
საზოგადოება
შეკვეთილში ავტოსაგზაო შემთხვევის შედეგად 14 ჯარისკაცი დაშავდა
ოზურგეთში, ავტოსაგზაო შემთხვევის შედეგად 14 სამხედრო მოსამსახურე დაშავდა.
არსებული ინფორმაციით, მიკროავტობუსი, რომლითაც სამხედროები გადაადგილდებოდნენ, შეკვეთილში გადაბრუნდა.
დაშავებულები სასწრაფო სამედიცინო დახმარების ეკიპაჟებმა სხეულის სხვადასხვა დაზიანებებით ქობულეთის საავადმყოფოში გადაიყვანეს.
გავრცელებული ინფორმაციით, რამდენიმე მათგანის მდგომარეობა მძიმეა.
როგორც „ექსპრესნიუსს“ შინაგან საქმეთა სამინისტროში განუცხადეს, მომხდართან დაკავშირებით გამოძიება სსკ-ის 276-ე მუხლით მიმდინარეობს, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.
ავტორი: ექსპრესნიუსი,
epn.ge (@expressnews.ge)
