გიორგი გახარიამ ნათლად თქვა, თუ დადგინდება უფლებამოსილების გადამეტების მასიურობა, აიღებს პასუხისმგებლობას, - ამის შესახებ პარლამენტის პირველმა ვიცე-სპიკერმა, თამარ ჩუგოშვილმა ჟურნალისტებს განუცხადა.

 როგორც ჩუგოშვილმა აღნიშნა, თუმცა ამ ყველაფერს გამოძიება და დადასტურება სჭირდება.

„ჩვენი გუნდის პოზიცია მე მგონი, საკმაოდ გასაგებია. აქციის მონაწილეებს რამდენიმე მოთხოვნა ჰქონდათ და ამ მოთხოვნებიდან ორი ძირითადი დაკმაყოფილებულია. ორივე ჩვენთვის და იმედია, მათთვისაც ძალიან სერიოზულია. ეს შეეხება პარლამენტის თავმჯდომარის გადადგომას და ასევე ფუნდამენტურ ცვლილელბას საარჩევნო სისტემის.  რაც შეეხება გიორგი გახარიას, საკმაოდ ნათლად და მკაფიოდ დავაფიქსირეთ ჩვენი პოზიცია ამასთან დაკავშირებით. ამ ეტაპზე, რაც არის მნიშვნელოვანი და აუცილებელი, ესაა გამოძიებულ იქნას ვანდალური აქტები და ძალადობა, რომელსაც ადგილი ჰქონდა პარლამენტის წინ, შემდეგ კი, თბილისის სხვადასხვა წერტილში. ამ ყველაფერზე სამართლებრივი რეაგირება იქნება აუცილებლად და იქნება მკაცრი, ასევე, გამოძიება იქნება ძალის შესაძლო გადამეტების შემთხვევებზე. ვფიქრობ, გახარიამ საკმაოდ ნათლად თქვა თავისი პოზიცია – მას შემდგომ, რაც გამოძიება ჩატარდება, თუ დადგინდება მასიურობა შსს-ს ან პოლიციელების მხრიდან უფლებამოსილების გადამეტების, არაპროპორციული ძალის გამოყენების, ამაზე ის აიღებს პასუხისმგებლობას, თუმცა მანამდე ეს უნდა დადასტურდეს“, - განმარტა ჩუგოშვილმა.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

Marneuli News: დაცვის თანამშრომელი, რომელიც 11 აპრილს სამსახურებრივი უფლებამოსილების შესრულებისას სცემეს, გარდაიცვალა

დიდი შვიდეულის სამიტზე უკრაინის პრეზიდენტი ტრამპსა და რუბიოს შეხვდა

შსს-ს ახალი სამმართველოს საჩივრის საფუძველზე, ნიკა გვარამიას შეურაცხყოფის ფაქტზე, მოქალაქეს 2000-ლარიანი ჯარიმა დაეკისრა

პაპუაშვილი: ახია საფრანგეთზე! როდესაც სხვა ქვეყნების შიდა საქმეებში ერევი, მზად უნდა იყო იმისთვის, რომ შენც ასევე მოგეპყრობიან