კონსტიტუციონალისტი ვახუშტი მენაბდე მიიჩნევს, რომ თბილისის საქალაქო სასამარტლოს გადაწყვეტილება, "ნაციონალური მოძრაობის" წევრის ნიკა მელიასთვის გირაო შეფარდების თაობაზე, "ქართულ ოცნებას" მძიმე ვითარებაში აყენებს.

"მელიას საქმეზე სასამართლომ "ოცნება" მძიმე ვითარებაში ჩააყენა. ამ გადაწყვეტილებით მან თქვა, რომ პროკურატურის არგუმენტები უსაფუძვლო იყო და 91 დეპუტატი მწარედ შეცდა, როდესაც კონკრეტული დეპუტატის პატიმრობაში გაშვება დასაშვებად მიიჩნია. იმუნიტეტი პოლიტიკური აზრით ძალიან მაღალი დაცვის სტანდარტია. როცა პარლამენტი მის მოხსნაზე მსჯელობს მან უნდა გაითვალისწინოს არა მხოლოდ ის, არის თუ არა წინასწარი პატიმრობის საჭიროება, არამედ დამატებით ისიც რამდენად შეუწყობს ეს ხელს პოლიტიკურ სტაბილურობას. ახლა კი რა გამოვიდა? ფაქტობრივად სასამართლომ თქვა, რომ მელიას დაპატიმრება სისხლის სამართლის პროცესის მიზნებისთვისაც კი არ იყო საჭირო. რა მოხდა ძნელი ასახსნელია, ერთადერთი რასაც ახლა ხელისუფლება შეიძლება ჩაებღაუჭოს "დამოუკიდებელ სასამართლოზე" მითითებაა", - წერს ვახუშტი მენაბდე Facebook-ის საკუთარ გვერდზე. 

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

პაპუაშვილი – ელენე ხოშტარიასთან დაკავშირებით რა გადაწყვეტილებებსაც მიიღებენ ექიმები, ისე იმოქმედებს პენიტენციური სამსახური

Flyone-მა კიშინაუდან ბათუმის მიმართულებით პირდაპირი ფრენები დაიწყო

შსს - უკანონო ბრუნვიდან ამოღებული 37 მილიონ ლარზე მეტი ღირებულების 700 კილოგრამამდე სხვადასხვა სახის ნარკოტიკული საშუალება განადგურდა

ივანიშვილის წარმომადგენელ პაპუაშვილს ჰქონია, რომ ცენზურა ქვეყანაში ევროკავშირის იმიჯის გამოსასწორებლად დააწესა