2019-06-27 10:54:52, 1425 ნახვა
პოლიტიკა
საქართველომ და 6 ქვეყნის დელეგაციამ ევროსაბჭოს საპარლამენტო ასამბლეის სესია პროტესტის ნიშნად დატოვა
რამდენიმე ქვეყნის, მათ შორის საქართველოს წარმომადგენელმა ევროსაბჭოს საპარლამენტო ასამბლეის სესია რუსეთის დელეგაციისთვის ხმის უფლების დაბრუნების გამო პროტესტის ნიშნად დატოვა - ამის შესახებ ინფორმაციას „რია ნოვოსტი“ ავრცელებს.
მედია საშუალების ინფორმაციით, სესია პირველად უკრაინის წარმომადგენელმა დატოვა, მას შეუერთდნენ საქართველოს, ესტონეთის, ლატვიის, ლიეტუვას, პოლონეთის და სლოვაკეთის წარმომადგენლები.
მათივე ცნობით, ეს მას შემდეგ მოხდა, რაც საპარლამენტო ასამბლეამ მიიღო რეზოლუცია, რომლითაც რუსეთის დელეგაციას უფლებამოსილება სრულად აღუდგა.
შეგახსენებთ, რომ 2014 წლის აპრილში ევროსაბჭოს საპარლამენტო ასამბლეამ რუსეთის დელეგაციას ხმის მიცემის უფლება ყირიმის ანექსიის გამო შეუზღუდა.
ავტორი: ექსპრესნიუსი,
epn.ge (@expressnews.ge)
