2019-06-25 15:29:58, 1030 ნახვა
საზოგადოება
აქციის დროს დაშავებულთაგან კლინიკებში 13 პაციენტი რჩება
20 ივნისს განვითარებული მოვლენების შედეგად დაშავებულთაგან ამ დროისთვის, კლინიკებში 13 პაციენტი რჩება.
აღნიშნულის შესახებ მედიასაშუალებების წარმომადგენლებს საგანგებო სიტუაციების კოორდინაციისა და გადაუდებელი დახმარების ცენტრის დირექტორმა, ავთანდილ თალაკვაძემ განუცხადა.
მისი ინფორმაციით, სტაბილური მდგომარეობა აღენიშნება რეანიმაციულ განყოფილებაში მყოფ ორ პაციენტს. მათგან ერთი, შესაძლოა, მართვითი სუნთქვის აპარატიდან უახლოეს პერიოდში ჩაიხსნას, დღის ბოლომდე კი, სამედიცინო დაწესებულება კიდევ 5-მა პირმა დატოვოს.
„ჯანდაცვის სამინისტრო სპეციალისტებთან ერთად, უწყვეტ რეჟიმში ახორციელებს პაციენტთა ჯანმრთელობის მდგომარეობის მონიტორინგს“, - განაცხადა ავთანდილ თალაკვაძემ.
ავტორი: ექსპრესნიუსი,
epn.ge (@expressnews.ge)
