2019-06-18 11:44:19, 940 ნახვა
პოლიტიკა
დავით სერგეენკო მინისტრის თანამდებობის დატოვებას ადასტურებს
დავით სერგეენკო ადასტურებს, რომ ჯანდაცვის მინისტრის თანამდებობას დატოვებს, - ამის შესახებ სერგეენკომ ჟურნალისტებს განუცხადა.
როგორც მან აღნიშნა, შესაბამისი კონსულტაციები პრემიერ-მინიტრ მამუკა ბახტაძესთან უკვე დიდი ხნის განმავლობაში მიმდინარეობს.
მისივე თქმით, თანამდებობის დატოვებასთან დაკავშირებით პრემიერთან ერთად ერთობლივ განცხადებას გააკეთებს. სერგეენკომ დასძინა, რომ ის გუნდის რიგებში რჩება.
შეგახსენებთ, რომ დავით სერგეენკო ჯანდაცვის მინისტრის თანამდებობაზე "ქართული ოცნების" ხელისუფლებაში მოსვლის შემდეგ, 2012 წლის 25 ოქტომბერს დაინიშნა. სერგეენკო მმართველი გუნდის ერთ-ერთი უცვლელი მინისტრი იყო, მის გარდა უწყვეტად თანამდებობას იუსტიციის მინისტრი თეა წულუკიანი იკავებს.
ავტორი: ლუკა ცარციძე, ექსპრესნიუსის რეპორტიორი 2019 წლიდან
epn.ge (@expressnews.ge)
