2019-06-18 10:54:42, 975 ნახვა
პოლიტიკა
აშშ-ის სახელმწიფო დეპარტამენტი „თბილისი პრაიდის“ წინ ლგბტ თემის მიმართ მუქარებით შეშფოთებულია
აშშ-ის სახელმწიფო დეპარტამენტი „თბილისი პრაიდის“ წინ ლგბტქ თემის წინააღმდეგ გამოთქმული მუქარებით შეშფოთებულია.
ამის შესახებ დეპარტამენტის წარმომადგენელმა 17 ივნისს გამართულ ბრიფინგზე „ამერიკის ხმის“ კითხვაზე საპასუხოდ განაცხადა.
მან აღნიშნა, რომ სახელმწიფო დეპარტამენტი კატეგორიულად გმობს ადამიანების დევნას რაიმე, კერძოდ სექსუალური ორიენტაციის ან გენდერული იდენტობის მიზეზით.
ამასთან, აშშ-ის საგარეო უწყება მიესალმება საქართველოს მთავრობის განცხადებას, რომ ის თითოეული ადამიანის შეკრებისა და გამოხატვის თავისუფლებას დაიცავს. განცხადებაში ასევე აღნიშნულია, რომ აშშ კვლავ მოუწოდებს საქართველოს ხელისუფლებას, ყველა მოქალაქე დაიცვას სექსუალური ორიენტაციის და გენდერული იდენტობის მიუხედავად.
ავტორი: ექსპრესნიუსი,
epn.ge (@expressnews.ge)
