2019-06-17 14:33:13, 1071 ნახვა
პოლიტიკა
პრემიერი სერგეენკოს სავარაუდო გადადგომაზე: მოვლენებს წინ ნუ გავუსწრებთ - დათო გუნდის ერთგული წევრია
„დათო სერგეენკო იყო, არის და მინდა დაგაწმუნოთ, რომ მუდმივად იქნება ჩვენი გუნდის ერთგული და წარმატებული წევრი“, - ამის შესახებ პრემიერ-მინისტრმა მამუკა ბახტაძემ მთავრობის სხდომის წინ ჟურნალისტებს განუცხადა.
ბახტაძე ჯანდაცვის მინისტრის თანამდებობიდან სავარაუდო გადადგომის ფაქტს გამოეხმაურა.
„მოდით მოვლენებს წინ არ გავუსწროთ, გუნდში განახლება და ახალი სისხლი იღება. ჩვენ განვაცხადეთ, რომ ჩვენი პრიორიტეტია განახლება. დათო სერგეენკო იყო, არის და მინდა დაგაწმუნოთ, რომ მუდმივად იქნება ჩვენი გუნდის ერთგული და წარმატებული წევრი. მოვლენებს წინ არ გავუსწროთ და თქვენ იქნებით პირველი, ვინც ამის შესახებ გაიგებს“, - აღნიშნა პრემიერმა.
ავტორი: ელენე გვიმრაძე, ექსპრესნიუსის რეპორტიორი 2018 წლიდან
epn.ge (@expressnews.ge)
