საქართველო საუცხოო ქვეყანაა, რომელმაც წარმოუდგენელ პროგრესს მიაღწია როგორც ეკონომიკური წინსვლის, ისე რეგიონში და, შეიძლება მსოფლიოშიც კი, ერთ-ერთი ყველაზე ღია დემოკრატიის დამკვიდრების კუთხით, - ამის შესახებ Holland America Group-ის ფინანსურმა დირექტორმა ნატალია ლიმსიეტლის მსოფლიო ურთიერთობათა საბჭოში საქართველოს პრემიერ-მინისტრ მამუკა ბახტაძის გამოსვლის შემდეგ განაცხადა.

მისი შეფასებით, საქართველოში ტურიზმის სექტორი დინამიურად ვითარდება და Holland America Group-ი საკუთარი საქმიანობის საქართველოში გაფართოებასაც განიხილავს.

"ჩვენი კომპანია თვლის, რომ მოგზაურობას და სატრანსპორტო კავშირებს აქვს ძალა, შეცვალოს წარმოდგენები და შეხედულებები,  დაამკვიდროს ახალი აზროვნება, დანერგოს კაცობრიობის ერთობის შეგრძნება და ხელი შეუწყოს პარტნიორობის და თანამშრომლობის გაღვივებას. დღევანდელი დღე არის ამის ბრწყინვალე მაგალითი, რადგან პრემიერ-მინისტრმა ბახტაძემ შექმნა ღია დიალოგის შესანიშნავი ატმოსფერო და უპასუხა ძალიან ბევრ კითხვას. მერწმუნეთ, აუდიტორიის უდიდესმა ნაწილმა, რომელთაც აქამდე საერთოდ ან ძალიან ცოტა სმენიათ საქართველოს შესახებ, ახლა პრიორიტეტების სიის თავში მოაქცია თქვენი ქვეყანა. პრემიერ-მინისტრმა ცხადყო, რომ საქართველოში უკვე არსებობს ძალიან განვითარებული ტურიზმის სექტორი და არსებობს ქვეყნის მხრიდან ტურიზმის მხარდაჭერის ბევრი შესაძლებლობა, რომელთაგან ზოგიერთი დღევანდელ ღონისძიებაზე უკვე განვიხილეთ. ტურიზმი შეიძლება იყოს ეკონომიკის უმნიშვნელოვანესი მამოძრავებელი ძალა. ჩვენი კომპანია უდავოდ დაინტერესებულია პარტნიორობით ასეთ ქვეყანასთან, რათა გავაფართოოთ ჩვენი არეალი. ჩვენი გემები შედიან 400 პორტში მთელი მსოფლიოს მასშტაბით. ძალიან ვაფასებ ამ დიალოგში მონაწილეობას, რომელიც გვთავაზობს ბევრ შესაძლებლობას კონტაქტების გასააქტიურებლად. დღეს პრემიერ-მინისტრმა წარმატებით უზრუნველყო ჩართულობა ეკონომიკისა და ბიზნესის ლიდერებთან", - განაცხადა ნატალი ლიმ.

საქართველოს პრემიერ-მინისტრი სიეტლის მსოფლიო ურთიერთობათა საბჭოში სიტყვით გამოვიდა. მამუკა ბახტაძემ საბჭოს წევრების კითხვებსაც უპასუხა. დისკუსიას მოდერაციას უწევდა სიეტლის მსოფლიო ურთიერთობათა საბჭოს პრეზიდენტი ჟაკლინ მილერი.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

ყაველაშვილი: საქართველო დაინტერესებულია დასავლეთ ბალკანეთის ქვეყნებთან ურთიერთობების გაფართოებით

მაისიდან მოყოლებული, უკრაინის შეიარაღებულმა ძალებმა ყირიმისკენ მიმავალ „სახმელეთო ხიდზე“ საწვავის ცისტერნებსა და სატვირთო მანქანებზე დაახლოებით 200 დარტყმა განახორციელეს.

Amnesty International - საქართველოში სამოქალაქო თავისუფლებები შემცირდა

საქართველოში ნებართვის გარეშე VI საუკუნის ეკლესია დაანგრიეს - ოცნების რეჟიმი არ რეაგირებს