დარგობრივი ეკონომიკის კომიტეტის სხდომა, სადაც ეკონომიკის მინისტრს, ნათია თურნავას 4 საათის განმავლობაში უსმენენ, ხმაურის ფონზე მიმდინარეობს. 

"ნაციონალური მოძრაობის" წევრმა სალომე სამადაშვილმა თურნავას ფოთის პორტთან დაკავშირებით კითხვა დაუსვა. დეპუტატი დაინტერესდა, ხომ არ შეუქმნის პრობლემას ანაკლიის პორტის მშენებლობას ის ფაქტი, რომ ფოთში ღრმაწყლოვანი პორტის მშენებლობა იგეგმებოდა. 

"ფოთის ღრმაწყლოვანი პორტის მშენებლობის იდეა არ აფრთხობს ანაკლიის პორტის მშენებლობაში მონაწილე ინვესტორს?", - მიმართა სამადაშვილმა ნათია თურნავას. 

თავის მხრივ, მინისტრმა განმარტა, რომ ფოთის ღრმაწყლოვანი პორტის იდეა 90-იანი წლებიდან მოდის და ის ახალი არ არის. მისივე თქმით, ანაკლიის პორტის მშენებლობას პრობლემა არ შეექმნება, რადგან მას სახელმწფოს მხარდაჭერა აქვს.  

„ანაკლიის პროცესს ვერაფერი დააზიანებს იმიტომ რომ ანაკლიას უდგას გვერდით სახელმწიფო. თუნდაც ის დოკუმენტი, რომელიც არ იყო და არ წარმოადგენს სამშენებლო ნებართვას, იყო გადახედილი და გაუქმებული ჩემს მიერ, მართალია ტექნიკური ხარვეზის გამო, მაგრამ მყისიერად“, - განაცხადა ნათია თურნავამ. 

სალომე სამადაშვილმა მას სიტყვა რამდენჯერმე გააწყვეტინა და აღნიშნა, რომ კონკრეტული პასუხი სჭირდება.

"აქ გონებაჩლუნგი არავინ არ არის, არ გვჭირდება მეორეჯერ მოსმენა, რაც უკვე თქვით. ჩემს შეკითხვას გაეცით პასუხი - კი ან არა. მე აქ სულელური პრეზენტაციის მოსასმენად არ მოვსულვარ", - მიმართა დეპუტატმა მინისტრს. 

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

მაისიდან მოყოლებული, უკრაინის შეიარაღებულმა ძალებმა ყირიმისკენ მიმავალ „სახმელეთო ხიდზე“ საწვავის ცისტერნებსა და სატვირთო მანქანებზე დაახლოებით 200 დარტყმა განახორციელეს.

Amnesty International - საქართველოში სამოქალაქო თავისუფლებები შემცირდა

საქართველოში ნებართვის გარეშე VI საუკუნის ეკლესია დაანგრიეს - ოცნების რეჟიმი არ რეაგირებს

UFC-ის ხელმძღვანელი: თოფურიამ თვალის სერიოზული ტრავმა მიიღო