2019-06-06 15:46:09, 1416 ნახვა
საზოგადოება
შსს: მიმდინარეობს გამოძიება, რის შემდეგაც ვერტმფრენის ჩამოვარდნის მიზეზი ცნობილი გახდება
შინაგან საქმეთა სამინისტროს საპატრულო პოლიციის დეპარტამენტის მცხეთა მთიანეთის მთავარი სამმართველოს უფროსმა, ვასილ პეტრიაშვილმა, ვერტმფრენის ჩამოვარდნასთან დაკავშირებით შემთხვევის ადგილიდან მედიისთვის კომენტარი გააკეთა.
„მომხდარი შემთხვევის შედეგად ადგილზე გარდაცვლილია 3 ადამიანი - პილოტი, პილოტის დამხმარე და სასტუმრო "რუმს ჰოტელ ყაზბეგის" თანამშრომელი. ადგილზე მობილიზებულია ყველა სამსახური, მიმდინარეობს საგამოძიებო მოქმედებები, დაინიშნება ექსპერტიზები და ექსპერტიზების პასუხის შემდეგ, ცნობილი გახდება მიზეზი, თუ რის გამო ჩამოვარდა ვერტმფრენი. გამოძიება მიმდინარეობს სისხლის სამართლის კოდექსის 275-ე მუხლის შესაბამისად“, - განაცხადა ვასილ პეტრიაშვილმა.
ავტორი: ელენე გვიმრაძე, ექსპრესნიუსის რეპორტიორი 2018 წლიდან
epn.ge (@expressnews.ge)
