გარემოსა და ბუნებრივი რესურსების დაცვის მინისტრის მოადგილე თეიმურაზ მურღულია გერმანიის ფედერალური გარემოსდაცვითი სააგენტოს პრეზიდენტს მარია კრაუცბერგერს შეხვდა. 

გარემოს დაცვის სამინისტროს ინფორმაციით, მხარეებმა საქართველოსა და გერმანიას შორის მიმდინარე გარემოსდაცვითი პროექტები შეაფასეს და საქართველოში მწვანე ეკონომიკის განვითარებასა და გარემოსდაცვით განათლებაზე იმსჯელეს. გერმანიის მხარე აქტიურად თანამშრომლობს საქართველოსთან, ბიომრავალფეროვნების შენარჩუნების, ტყის მდგრადი მართვისა და კლიმატის ცვლილებების საკითებში.

გერმანიის მთავრობის ფინანსური მხარდაჭერით გარემოსა და ბუნებრივი რესურსების სამინისტრო 6 პროექტს ახორციელებს  - ბიომრავალფეროვნების მდგრადი მართვა სამხრეთ კავკასიაში; ეროზიის ინტეგრირებული კონტროლის ღონისძიებები სამხრეთ კავკასიაში; კავკასიაში დაცული ტერიტორიების ხელშწყობის პროგრამა; - საქართველო (ეკორეგიონული კონსერვაციის პროგრამა; „აღმოსავლეთ ევროპაში დაცული ტერიტორიების ეფექტური მართვის გაუმჯობესება, შესაძლებლობათა გაძლირების გეგმების შემუშავების გზით“; გარემოზე ზემოქმედების შეფასება ჰიდროელექტროსადგურებიდან გამოწვეული კუმულაციური ზემოქმედების კუთხით; დაბალემისიანი შენობები საქართველოში.

შეხვედრაში ასევე გერმანიის საელჩოსა და გერმანიის საერთაშორისო თანამშრომლობის საზოგადოების (GIZ) წარმომადგენლები მონაწილეობდნენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კობახიძე: ქვეყანა სწორედ 2012 წლიდან დაადგა შეუქცევადი განვითარების გზას და იქცა სახელმწიფოდ, რომლის ამოსავალი წერტილი ადამიანია,

ფაშინიანი ხელახლა არჩევის შემთხვევაში სომხეთის სამოციქულო ეკლესიის დაბეგვრას გეგმავს

EBRD-ის, ADB-ისა და საქართველოს ბანკის თანამშრომლობით, რეგიონული კონფერენცია „Digital Trade for Growth in the Middle Corridor : Foundations, Finance and Adoption“ გაიმართა

ევროსაბჭოს კომისარმა საქართველოს ხელისუფლებას შემზღუდავი კანონების გაუქმებისკენ მოუწოდა