„ჩემთვის უდიდესი ღირსებაა ვემსახურო საქართველოს თქვენთან ერთად“, - ამ სიტყვებით საქართველოს შინაგან საქმეთა მინისტრმა, გიორგი გახარიამ პოლიციის დღისადმი მიძღვნილ ღონისძიებაზე პოლიციელებს მიმართა.

როგორც შს მინისტრმა აღნიშნა, პოლიციის დღე ქვეყანაში 101-ედ აღინიშნება.

„დღეს ჩვენ ავღნიშნავთ, პოლიციის 101-ე წელს 1918 წლის დამოუკიდებლობის შემდგომ. თითოეული ჩვენგანისთვის ეს არის უაღრესად მნიშვნელოვანი დღე. ჩვენ ყველას კარგად გვესმის, რომ გვაქვს უდიდესი პასუხისმგებლობა მართლწესრიგის, სიმშვიდისა და წესრიგის ამ ქვეყანაში, იმ სიმშვიდის, რომლის პირობებში თითოეულმა მოქალაქემ უნდა შეძლოს, იშრომოს, იზრუნოს თავის ხვალინდელ დღესა და მომავალზე, როგორც თავისი ოჯახის, ასევე ქვეყნის.

 ძვირფასო პოლიციელებო, ჩვენ დღეს ზუსტად ვიცით, სად ვართ და ზუსტად ვიცით, რა გეგმები გვაქვს და სად მივდივართ. სწორედ, ამ გეგმებიდან გამომდინარე, ჩვენ ჩვენს მიმდინარე რეფორმებს სისტემური განახლება დავარქვით. სწორედ განახლება, რათა შევინარჩუნოთ ყველაფერი კარგი, რაც იყო ჩვენს წარსულში და სიახლეებით და რეფორმებით ვუპასუხოთ იმ თანამედროვე გამოწვევებს, რომლის წინაშეც ვდგავართ. ჩვენი მიზანია ეფექტური და პოლიტიკურად ნეიტრალური პოლიცია. ეს არის ძირითადი, რასაც ჩვენ უნდა მივაღწიოთ და რა თქმა უნდა, ჩვენი მიზანია, ვიყოთ ეფექტურები, შედეგიანები და წარმატებულები მხოლოდ და მხოლოდ ისე, რომ შევინარჩუნოთ ადამიანის ღირსება და ადამიანის უფლება. ეს არის ჩვენი უდიდესი მიზანი, რომელსაც ყველამ ერთად უნდა მივაღწიოთ.

ბატონო პოლიციელებო, ბატონო მეხანძრე-მაშველებო, ბატონო მესაზღვრეებო და ვინც ემსახურებით შინაგან საქმეთა სამინისტროს, თქვენი მსახურება დღეს არის უდიდესი პასუხისმგებლობა და არ არსებობს იმაზე ღირსეული მსახურება, ემსახურო შენი მოქალაქის ჯანმრთელობას, სიცოცხლეს და იყო შენი ქვეყნის სიმშვიდის სადარაჯოზე. ბატონებო, კიდევ ერთხელ გილოცავთ პოლიციის დღეს. ჩემთვის უდიდესი ღირსებაა ვემსახურო საქართველოს თქვენთან ერთად“, - მიმართა პოლიციელებს შს მინისტრმა.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

პუტინს აცნობეს ბენზინის წარმოების სწრაფად გაზრდის შეუძლებლობის შესახებ

რუბიო: აშშ ირანისა და ლიბანის მოლაპარაკებებს ერთმანეთისგან მიჯნავს, თუმცა „ირანის ფაქტორს“ აღიარებს

ხოშტარიას მკურნალობაში მისი მკურნალი რევმატოლოგი ჩაერთვება და გასინჯავს

პუტინი გაგლოევს: ოსებს შეუძლიათ იამაყონ თავიანთი წინაპრებით