„ეიპიემ ტერმინალს ფოთის“-ს  მიერ  გუშინ გავრცელებულ განცხადებას   და  მის  შემდეგ  განვითარებულ  პროცესებს ეკონომიკის  ექსპერტები  ეხმაურებიან.

 ეკონომიკის  მეცნიერებათა  დოქტორის  სოსო  არჩვაძის განცახდებით,  ეს დოკუმენტი გაცემულია ერთ-ერთი სააგენტოს ხელმძღვანელის მიერ და მისი გაცემა არ ყოფილა შეთანხმებული  ეკონომიკის მინისტრ ნათია თურნავასთან.   მინისტრის  განცხადებით  ირკვევა,  რომ ნებართვა გაცემულა ხარვეზებით და არა აქვს  მიწის მეპატრონის, სახელმწიფოს (ქონების მართვის სამსახურის)  თანხმობა.

„დღეს საქართველოს ეკონომიკის მინისტრმა გააკეთა განცხადება, რომელიც სცილდება ეკონომიკის სფეროს და სერიოზული პოლიტიკური დატვირთვის მატარებელიცაა. კარგია, რომ მის  ბრძანებით, ფოთში ღრმაწყლოვანი ნავსადგურის მშენებლობის არასანქცირებული ნებართვის გაცემის გამო, მშენებლობის და ტექნიკური ზედამხედველობის სააგენტოს ხელმძღვანელი გაათავისუფლეს. ასევე ნამდვილად დროულია და პრინციპული გადაწყვტილება, რომ ის პირები, რომლებიც ვერ ხედავენ ან სათანადადოდ არ აფასებენ ანაკლიის პორტის მშენებლობის სახელმწიფოებრივ, არა მარტო ეკონომიკურ, არამედ პოლიტიკურ და სტრატეგიულ მნიშველობას ქვეყნის მდგრადი, დინამიური და უსაფრთხო  განვითარებისათვის, ვერ თუ არ ამჟღავნებენ სახელმწიფოებრივ ცნობიერებას და და თავიანთი ქმედებით თუ უმოქმედობით ჩრდილს აყენებენ, უშლიან ამ მნიშვნელოვანი პროექტის რეალიზაციას, მათი ადგილი, ჩემი აზრით, არ არის სახელმწიფო, საჯარო სამსახურში“, - აცხადებს  ექსპერტი.

ამასთან მისი  ინფორმაციით,   მნიშვნელოვან ყურადღებას  იმსახურებს  „ანაკლიის  კონსორციუმის“  „შოკისმომგვრელი“ გამოხმაურებაც ამ  თემაზე. „ ულტიმატუმებით საუბარი მუღებელია, მე  არსად  წამიკითხავს,  რომ მათთვის  ვინმეს  მიეცი  ტვირთების  გადაზიდვის ექსკლუზივზე გარანტია. ქვეყნისთვის  მნიშვნელოვანია ინვესტიციების  შემოსვლა,  დამატებითი  სამუშაო ადგილების  შექმნა  და  ა.შ. მითუმეტეს,  ისეთი  ინვესტიციების,   რომელიც გაზრდის  საქართველოს  გეოსტრატეტგიული ფუნქციას  და   ჩვენი ქვეყნის ლოგისტიკური პოტენციალის განვითარებას ემსახურება.

რაც  მთავრობისგან  ანაკლიაზე  ვიცით  ის  არის,   რომ ამ პ როექტს გააჩნია უპრეცედენტო მხარდაჭერა ხელისუფლებისგან, დაწყებული 300 მლნ ლარიანი ინფრასტრუქტურით, დასრულებული 70- მილიონიანი მიწის გამოსყიდვით და 100 მლნ დოლარის დამატებითი დაფინანსებით, ასევე სრული იურიდიული მხარდაჭერით დასრულებული“, - აცხადებს სოსო არჩვაძე.

(NS)

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

მარგუს ცაჰკნა - ძალიან ვწუხვარ, რომ ქართული რეჟიმი აბსოლუტურად სხვა გზას მიჰყვება, არა ევროკავშირისკენ გზას

16-17 ივნისს თბილი და უმეტესად უნალექო ამინდია მოსალოდნელი, ხოლო 18 ივნისს გაწვიმდება

რუსული ავიაკომპანია Red Wings ბათუმისკენ ფრენებს კიდევ 6 ქალაქიდან შეასრულებს

თენგიზ შარმანაშვილი პოლიციელების მხრიდან ძალადობაზე - კიდევ მოხდება ხვალაც, ზეგაც