2019-05-14 15:03:52, 1162 ნახვა
საზოგადოება
გახარია - პოლიცია არჩევნების მშვიდ ვითარებაში ჩატარებას მაქსიმალურად უზრუნველყოფს
შინაგან საქმეთა მინისტრმა, გიორგი გახარიამ, წინასაარჩევნო პერიოდის მიმდინარეობასთან დაკავშირებით კომენტარი გააკეთა.
შს მინისტრმა, საზოგადოებას არჩევნების მშვიდ გარემოში ჩატარებისკენ მოუწოდა.
„ჩვენ შევაფასებთ მდგომარეობას როგორც ზუგდიდში, ისე მარნეულში, ისე ზესტაფონში და ჩვენს საერთაშორისო პარტნიორებთან ერთად, კონსულტაციით გადავწყვეტთ რა ძალებით უნდა იყოს წარმოდგენილი პოლიცია ყველა ლოკაციაზე. ეს არის ტექნიკური საკითხი, რომელსაც ჩვენს პარტნიორებთან თანამშრომლობით გადავწყვეტთ. ახლა რაც შეეხება ძირითად ნაწილს, კიდევ ერთხელ ვიმეორებ, რომ შინაგან საქმეთა სამინსიტრო და პოლიცია მაქსიმალურად უზრუნველყოფს ჩვენი მოქალაქეების მიერ თავიანთ არჩევანის და აზრის გამოხატვას თავისუფალ და მშვიდ გარემოში“, - განაცხადა გიორგი გახარიამ.
(NS)
ავტორი: ელენე გვიმრაძე, ექსპრესნიუსის რეპორტიორი 2018 წლიდან
epn.ge (@expressnews.ge)
