დიდი ნეძის კახათი ერთ-ერთი პირველი სოფელი იქნება სამეგრელოში, სადაც საქართველოს მთავრობის გაზიფიცირების სამწლიანი პროგრამის ფარგლებში მოსახლეობა ბუნებრივ აირს მიიღებს.

დღეს სოფლის მოსახლეობას ეკონომიკისა და მდგრადი განვითარების მინისტრი ნათია თურნავა და სამეგრელო - ზემო სვანეთის მხარის გუბერნატორი ალექსანდრე მოწერელია შეხვდნენ და მათ სამთავრობო ინფრასტრუქტურული პროექტების შესახებ ესაუბრნენ.

ნათია თურნავას განცხადებით, 2019 – 2021 წლებში 226 დასახლებულ პუნქტში ჩატარდება საპროექტო და სამშენებლო სამუშაოები, რისთვისაც 201 მლნ ლარი დაიხარჯება. დასახლებული პუნქტების მესამედი სამეგრელოს რეგიონში მდებარეობს. გაზიფიცირების გეგმა, რომელიც ეკონომიკისა და მდგრადი განვითარების სამინისტროს ინიცირებით საქართველოს მთავრობამ განიხილა და დაამტკიცა,  მოიცავს ისეთ დასახლებულ პუნქტებსაც, სადაც ისტორიულად არასოდეს ყოფილა ბუნებრივი აირი, მათ შორის, სამეგრელოს რეგიონში.

მოსახლეობასთან შეხვედრისას ყურადღება გამახვილდა რეგიონის წინაშე არსებულ სოციალურ-ეკონომიკურ თემატიკაზე, მათ შორის, სკოლისა და საბავშვო ბაღის შენობის შეკეთებაზე, მცირე ბიზნესის ხელშეწყობაზე და სხვ. განსაკუთრებული აქცენტი გაკეთდა ანაკლიის ღრმაწყლოვანი პორტზე, რომელსაც დიდი წვლილის შეტანა შეუძლია რეგიონის ეკონომიკური განვითარებასა და მოსახლეობის დასაქმებაში. მინისტრმა მოსახლეობას განუცხადა, რომ ანაკლიის პორტი სტრატეგიული პროექტია და ის აუცილებლად აშენდება.

(NS)

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

რეჟიმის წარმომადგენელი კობახიძე კვლავ თვს ესხმის დიდ ბრიტანეთს და მის მოქმედ პრემიერს

სქროლვა-სქრინვის სამმართველო მოქალაქეს ივანიშვილის წყევლის გამო ან ჯარიმას დაუწესებს ან 20 დღე ციხეში გაუშვებს

რეჟიმის წარმომადგენელი კობახიძე სქროლვა-სქრინვის სამსახურს ოპტიმიზმით უყურებს

კობახიძე ევროსაბჭოს რეზოლუციაზე - აბსურდია ყველაფერი, რაზეც საუბარია რეზოლუციაში, საქართველო არის მოწინავე დემოკრატიის თვალსაზრისით