2019-05-10 18:56:58, 1585 ნახვა
საზოგადოება
ღვთისმშობლის წილხვედრობის აღსანიშნავი ღონისძიებებისთვის სარეზერვო ფონდიდან 694 600 ლარი გამოიყო
12 მაისს ღვთისმშობლის წილხვდომილობის დღესასწაულისადმი მიძღვნილი ღონისძიებებისთვის მთავრობის სარეზერვო ფონდიდან 694 600 ლარი გამოიყო.
პრემიერ-მინისტრის განკარგულების თანახმად, 480 000 ლარს განათლების, მეცნიერების, კულტურისა და სპორტის სამინისტრო მიიღებს, 141 600 ლარს საქართველოს საპატრიარქო, 73 000 ლარს კი, საგარეო საქმეთა სამინისტროს გადაეცემა.
გარდა ამისა, დამტკიცდა ღონისძიებების გეგმაც, რომლის მიხედვით, 12 მაისს თბილისსა და რეგიონებში გამოფენები მოეწყობა, ჩატარდება ლექციები, ლიტერატურული საღამოები, კონფერენციები, კინოჩვენებები, სპექტაკლები და ფოლკლორული ანსამბლების ტურნეები.
ავტორი: ლუკა ცარციძე, ექსპრესნიუსის რეპორტიორი 2019 წლიდან
epn.ge (@expressnews.ge)
