სამოქალაქო მოძრაობა "რუსეთი ოკუპანტიას" წევრები პარლამენტში პლენარული სხდომის პარალელურად შენობის დერეფანში აქციას მართავენ.

ისინი "ქართული ოცნების" წარმომადგენლებს ეკითხებიან, გრძნობენ თუ არა პასუხისმგებლობას პრეზიდენტის ბოლოდროინდელი განცხადებების გამო.

"ეს არის პროტესტი პრეზიდენტის ბოლოდროინდელ განცხადებებთან დაკავშირებით, თუმცა ეს პირველი შემთხვევა არაა და პრეზიდენტი ანტისახელმწიბოებრივ განცხადებებს აქამდეც აკეთებდა. დღეს პარლამენტში მოვედით იმისთვის, რომ იმ პარლამენტარებს, რომლებიც წინასაარჩევნოდ აქტიურ მხარდაჭერას უცხადებდნენ ზურაბიშვილს, ვკითხოთ, გრძნობენ თუ არა პასუხისმგებლობას მის ბოლოდროინდელ განცხადებებთან დაკავშირებით. ისინი ამბობენ, რომ არაა ჩვენი გუნდის წევრიო, მაგრამ მათი გუნდის წევრი რომ ყოფილიყო, მისცემდნენ თუ არა წითელ ბარათს?! ჩვენი პროტესტი განსაკუთრებულად პრეზიდენტის ამერიკული ბაზების განლაგებასთან დაკავშირებით გაკეთებულმა განცხადებამ გამოიწვია, რომ თითქოს არ უნდა გავაღიზიანოთ ჩვენი ჩრდილოელი მეზობელი და ამის გამო აშშ-ს ბაზებზე უარი უნდა ვთქვათ", აცხადებს სამოქალაქო მოძრაობა "რუსეთი ოკუპანტიას" წევრი მარიამ დოლიძე. 

მოძრაობის წევრებს თან ბიძინა ივანიშვილის გამოსახულებიანი ნიღაბი და პლაკატები წარწერით "წითელი ბარათი პრეზიდენტს" აქვთ.

სამოქალაქო მოძრაობა "რუსეთი ოკუპანტია" შაბათს, 2 საათზე, პრეზიდენტის სასახლის წინ აქციას აწყობენ.

ავტორი: ექსპრესნიუსი,

სოციალური ქსელები

მაკრონმა სტარმერს მადლობა გადაუხადა და საფრანგეთსა და ბრიტანეთს შორის თანამშრომლობის გაგრძელება გამოაცხადა

ბრიტანეთის პრემიერ-მინისტრი თანამდებობიდან გადადგა

პოლონეთმა ზელენსკის მიერ დაბრუნებული „თეთრი არწივის ორდენის“ მიღება დაადასტურა

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს