იუსტიციის სამინისტროს ეროვნული არქივის დოკუმენტების რესტავრაციის ლაბორატორიაში, ძველნაბეჭდი წიგნის რესტავრაციისას, ყდაში ხელნაწერების ფრაგმენტები - სულ შვიდი ფურცელი - აღმოაჩინეს.

ფრაგმენტები ორი სხვადასხვა ხელნაწერის - წმიდა მამათა თხრობებისა და  ლიტურგიკული კრებულების შემადგენელ ნაწილებად დაჯგუფდა. ხელის მიხედვით, ორივე მათგანი, ამ ეტაპისათვის, XV-XVI საუკუნეებით თარიღდება.

ორივე ნაწერია ნუსხურით, საზედაო ასოები - მთავრულით. სათაურები და საზედაო ასოები შემკულია სინგურით. აღსანიშნავია ის, რომ ერთ-ერთმა ხელნაწერმა განსაკუთრებით კარგად შემოინახა სინგურის ხარისხი და, შეიძლება ითქვას, შენარჩუნებული აქვს პირველადი სახე.

შინაარსობრივად ფრაგმენტების ერთი ჯგუფი ლიტურგიკული შინაარსისაა და  ღვთისმსახურებისთვის გამოიყენებოდა, ხოლო ფრაგმენტების მეორე ჯგუფი აპოფთეგმურ თხრობათა ციკლის ნაწილს წარმოადგენს, წმიდა მამათა ამ თხრობების ნაწილი უკვე ამოკითხულია კიდეც.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სარჯველაძე დიუშენის საკითხის აქტუალიზაციაზე ამბობს, რომ არაკვალიფიციურობით გამოწვეული მცდარი შეხედულებების ტირაჟირება მიმდინარეობს

მაღაზიების ძარცვის ბრალდებით, წარსულში ნასამართლევი 15 წლის მოზარდი დააკავეს

ციფრული ტრანსფორმაციის პრაქტიკული შედეგები: როგორ ცვლის „თეგეტა ჰოლდინგი“ იურიდიულ პროცესებს Lawformer-თან პარტნიორობით

თიბისი კაპიტალმა მაკროეკონომიკური განახლება გამოაქვეყნა განახლებული პროგნოზები: უფრო მაღალი ეკონომიკური ზრდა, ინფლაცია, და სტაბილური ლარი